ಹೊಸದಿಲ್ಲಿ: ದೇಶದಲ್ಲಿ ಏರಿಕೆಯಾಗುತ್ತಿರುವ ಒಮೈಕ್ರಾನ್ ಸೋಂಕಿನ ಪ್ರಕ ರಣಗಳ ಸಂಖ್ಯೆಯನ್ನು ಹತೋಟಿಗೆ ತರಲು ಮಂಗಳವಾರದಿಂದ ಅನ್ವಯವಾಗು ವಂತೆ ನೂತನ ಪ್ರಯಾಣ ನಿಯಮಗಳು ಅನುಷ್ಠಾನಕ್ಕೆ ಬರಲಿದ್ದು, ವಿದೇಶದಿಂದ ಆಗಮಿಸುವ ಪ್ರಯಾಣಿಕರು ಭಾರತಕ್ಕೆ ತಲುಪಿದ ಬಳಿಕ ಏಳು ದಿನಗಳ ಹೋಮ್ ಕ್ವಾರಂಟೈನ್‌ಗೆ ಒಳಗಾಗಬೇಕಾದ ಅಗತ್ಯತೆ ಇದೆ ಹಾಗೂ 8ನೇ ದಿನ ಕೋವಿಡ್ ಪರೀಕ್ಷೆ ಮಾಡಿಸಿಕೊಳ್ಳಬೇಕು.

ಅಪಾಯದಲ್ಲಿರುವ ದೇಶಗಳ ಸಂಖ್ಯೆ 19ಕ್ಕೆ ಏರಿಕೆಯಾಗಿದೆ. ಡಿಸೆಂಬರ್‌ನಿಂದ 9ಕ್ಕಿಂತಲೂ ಹೆಚ್ಚು ರಾಷ್ಟ್ರಗಳು ಅಪಾಯದಲ್ಲಿರುವ ದೇಶಗಳ ಪಟ್ಟಿಯಲ್ಲಿ ಸೇರಿವೆ.

ಎಲ್ಲ ಪ್ರಯಾಣಿಕರು 7 ದಿನಗಳ ಕಾಲ ಹೋಮ್ ಐಸೋಲೇಶನ್‌ಗೆ ಒಳಗಾಗ ಬೇಕು. ಆನಂತರ ಆರ್‌ಟಿ-ಪಿಸಿಆರ್ ಪರೀಕ್ಷೆ ನಡೆಸಬೇಕು. ಒಂದು ವೇಳೆ ಪರೀಕ್ಷೆ ವರದಿ ಪಾಸಿಟಿವ್ ಬಂದರೆ, ಅವರನ್ನು ಐಸೋಲೇಶನ್‌ಗೆ ಕಳುಹಿಸಲಾಗುವುದು. ಅಲ್ಲದೆ, ಅವರ ಮಾದರಿಯನ್ನು ಜಿನೋಮ್ ಪರೀಕ್ಷೆಗೆ ಕಳುಹಿಸಲಾಗುವುದು. ಅವರ ಸಮೀಪ ಕುಳಿತುಕೊಂಡ ಇತರ ಪ್ರಯಾಣಿಕರು, ವಿಮಾನ ಸಿಬ್ಬಂದಿಯನ್ನು 'ಸಂಪರ್ಕ' ಎಂದು ಪರಿಗಣಿಸಲಾಗುವುದು. ಒಂದು ವೇಳೆ ಪರೀಕ್ಷೆ ವರದಿ ನೆಗೆಟಿವ್ ಬಂದರೆ, ಪ್ರಯಾ ಣಿಕರು ತಮ್ಮ ಆರೋಗ್ಯವನ್ನು ಮುಂದಿನ 7 ದಿನಗಳ ಕಾಲ ಸ್ವ ನಿಗಾ ವಹಿಸಬೇಕು. ಅಪಾಯದ ಪಟ್ಟಿಯಲ್ಲಿ ಇರದ ದೇಶಗ ಳಿಂದ ಆಗಮಿಸುವ ವಿಮಾನಗಳಿಂದ ಯಾದೃಚ್ಛಿಕವಾಗಿ ಶೇ.2 ಪ್ರಯಾಣಿಕರನ್ನು ಆಯ್ಕೆ ಮಾಡಿ ಪರೀಕ್ಷೆಗೆ ಒಳಪಡಿಸಲಾಗುವು ದು ಎಂದು ನಿಯಮ ಹೇಳಿದೆ. ಪರೀಕ್ಷೆಯ ವೇಳೆ ಪ್ರಯಾಣಿ ಕರಲ್ಲಿ ರೋಗ ಲಕ್ಷಣಗಳು ಕಂಡು ಬಂದರೆ ಐಸೋಲೇಷನ್‌ಗೆ ಒಳಪಡಿಸಲಾಗುವುದು ಹಾಗೂ ವೈದ್ಯಕೀಯ ಸೌಲಭ್ಯಕ್ಕೆ ಕರೆ ದೊಯ್ಯಲಾಗುವುದು. ಒಂದು ವೇಳೆ ಪರೀಕ್ಷೆಯ ವರದಿಯಲ್ಲಿ ಪಾಸಿಟಿವ್ ಬಂದರೆ, ಅವರ ಸಂಪರ್ಕವನ್ನು ಗುರುತಿಸಲಾಗು ವುದು ಎಂದು ನಿಯಮ ತಿಳಿಸಿದೆ.