برلن،24؍ستمبر(آئی این ایس انڈیا؍ایس او نیوز)براعظم یورپ کی سب سے طاقتور اقتصادیات کے حامل ملک جرمنی میں آج چوبیس ستمبر کو پارلیمانی الیکشن میں ووٹ ڈالنے کا سلسلہ صبح آٹھ بجے سے شروع ہے۔ پولنگ بغیر کسی وقفے کے شام چھ بجے تک جاری رہے گی۔ انتخابی نتائج ووٹنگ کا وقت ختم ہونے کے فوری بعد سامنے آنا شروع ہو جائیں گے۔ اندازوں کے مطابق ووٹرز کا ٹرن آؤٹ گزشتہ الیکشن سے زیادہ ہو سکتا ہے۔ رائے عامہ کے جائزوں کے مطابق چانسلر انگیلا میرکل کی امکانات روشن ہیں۔ آج کے انتخابات میں انتہائی دائیں بازو کی سیاسی جماعت اے ایف ڈی کے بھی پارلیمنٹ میں پہنچنے کے یقینی امکانات ہیں۔