اسرائیل۔ برطانیہ ایرانی خطرے سے مل کر نمٹنے پر متفق

Source: S.O. News Service | By Shahid Mukhtesar | Published on 10th October 2017, 11:24 PM | عالمی خبریں |

لندن،10؍اکتوبر(ایس او نیوز؍آئی این ایس انڈیا)برطانوی وزیراعظم تھریسا مے نے اپنے اسرائیلی ہم منصب بنجمن نیتن یاھو کو ٹیلیفون کیا ہے۔ ٹیلیفون پر ہونے والی بات چیت میں دونوں رہ نماؤں نے ایران کے بڑھتے خطرات کی روک تھام کے لیے مل کر کوشیں کرنے پر اتفاق کیا ہے۔برطانوی وزیراعظم کی ترجمان نے سوموار کو ایک بیان میں بتایا کہ وزیراعظم تھریسا مے نے اسرائیلی وزیراعظم نیتن یاھو سے ٹیلیفون پر بات چیت کی ہے۔ دونوں رہ نماؤں کیدرمیان ہونے والی گفتگو میں ایران کی طرف سے خلیجی ممالک اور مشرق وسطیٰ کو درپیش خطرات پر بات چیت کی گئی۔ترجمان کا کہنا ہے کہ برطانوی اور اسرائیلی وزراء نے اس بات سے اتفاق کیا کہ عالمی برادری کو ایران کی طرف سے بڑھتے خطرات کا اداراک کرنا چاہیے کیونکہ ایران خلیجی خطے اور مشرق وسطیٰ میں اپنے توسیع پسندانہ عزائم کو آگے بڑھا رہا ہے۔ دونوں رہ نما نے ایران کے بڑھتے خطرات اور اس کی خطے کو عدم استحکام سے دوچار کرنے کی سازشوں کا مل کر مقابلہ کرنے پر اتفاق کیا۔
 

ایک نظر اس پر بھی