مقبوضہ بیت المقدس،28ستمبر(ایس او نیوز ؍آئی این ایس انڈیا)فلسطین کے مقبوضہ فلسطینی علاقوں میں ہونے والی حالیہ فوجی مشقوں کے دوران اسرائیلی فوج کے دو اہلکار شدید زخمی ہو گئے۔ دونوں زخمی اہلکاروں کو اسپتال منتقل کیا گیا ہے جہاں ان کی حالت تشویشناک بیان کی جاتی ہے۔ اسرائیلی فوج کیترجمان کا کہنا ہے کہ گذشتہ شب دو اسرائیلی فوج جنوبی فلسطین میں جنگی مشقوں کے دوران زخمی ہو گئے تھے۔ زخمیوں کو فوجی ہیلی کاپٹر کی مدد سے اسپتال منتقل کیا گیا ہے۔عبرانی ٹی وی نے ذرائع کے حوالے سے بتایا ہے کہ زخمی فوجیوں کے اہل خانہ کو واقع کے بارے میں اطلاع دے دی گئی ہے۔عبرانی ٹی وی 2کے مطابق ایک فوجی بن شیمن جنگلات کے قریب فوجی مشقوں کے دوران زخمی ہوا۔ اس کی کمر میں گہرے زخم آئے ہیں۔ فوج نے اہلکاروں کے زخمی ہونے کے واقعات کی تحقیقات شروع کردی ہیں۔خیال رہے کہ حال ہی میں اسرائیلی فوج نے وسیع پیمانے پر جنگی مشقیں شروع کی تھیں۔ یہ جنگی مشقیں غزہ کی پٹی کے قریب اور جنوبی فلسطین کے دوسرے شہروں میں کی گئیں۔