روسی مندوب نے امریکہ اور روس کے درمیان جنگ کو ممکنہ بتادیا 

Source: S.O. News Service | By Shahid Mukhtesar | Published on 14th April 2018, 12:54 PM | عالمی خبریں |

نیویارک13اپریل (ایس او نیوز؍ آئی این ایس انڈیا) اقوام متحدہ میں روسی سفیر وسیلی نیبنزیا کا کہنا ہے کہ "اولین ترجیح جنگ کے خطرے کو ٹالنا ہے"۔ انہوں نے یہ بات جمعرات کے روز شام کے حوالے سے سلامتی کونسل کے بند کمرہ اجلاس کے بعد کہی۔امریکا اور روس کے درمیان جنگ چھڑنے کے امکان سے متعلق روسی مندوب کا کہنا تھا کہ "ہم کسی بھی چیز کو خارج از امکان قرار نہیں دے سکتے۔ادھر امریکی اور برطانوی میڈیا کے مطابق پینٹاگون نے شامی حکومت کے سربراہ بشار الاسد کو نشانہ بنانے کے لیے ایک بڑے حملے کے تیاری کے سلسلے میں سب سے بڑے بحری اور فضائی بیڑے کی تعیناتی کا فیصلہ کیا ہے۔برطانوی نشریاتی ادارے کے مطابق امریکی بحری جنگی جہاز "یو ایس ایس ڈونلڈ کْک" تقریبا 60 "ٹوم ہاک" میزائلوں کے ساتھ بحیرہ روم میں مستعد حالت میں ہے۔ اس کے علاوہ تین دیگر بحری جہاز بھی ہیں۔ مزید برآن ضخیم طیارہ بردار بحری جہاز "یو ایس ایس ہیری ایس ٹرومین" بدھ کے روز امریکی ریاست ورجینیا سے خطّے کی جانب روانہ ہو گیا۔ جہاز پر تقریبا 90 لڑاکا طیارے ، پانچ جنگی جہاز اور ٹوم ہاک میزائل موجود ہیں۔روسی مندوب کا مزید کہنا تھا کہ "مغرب کی عسکری مداخلت انتہائی خطرناک ہو گی کیوں کہ وہاں ہمارے فوجی موجود ہیں۔ یہ خطرات اقوام متحدہ کے منشور کی خلاف ورزی ہے۔اقوام متحدہ کے سکریٹری جنرل آنتونیو گوتیریس نے بدھ کے روز سلامتی کونسل کے پانچ مستقل ارکان سے اپیل کی تھی کہ شام کی صورت حال کو کنٹرول سے باہر جانے سے روکا جائے۔ انہوں نے حالیہ پیچیدہ تعطل کے حوالے سے اپنی گہری تشویش کا اظہار کیا۔ادھر ماسکو میں کرملن ہاؤس نے باور کرایا ہے کہ شام میں روس اور امریکی فوجوں کی کارروائیوں کے حوالے سے دونوں ملکوں کے عسکری اہل کاروں کے درمیان ایک خصوصی ٹیلیفون لائن کے ذریعے رابطے کا چینل اس وقت "سرگرم" ہے تا کہ حادثات سے بچا جا سکے۔
 

ایک نظر اس پر بھی

سری لنکا کے برخاست وزیراعظم پر پارلیمان کا اعتماد

رواں برس اکتوبر میں برخاست کیے جانے والے سری لنکن وزیراعظم رانیل وکرمے سنگھے نے پارلیمنٹ میں اعتماد کا ووٹ حاصل کر لیا ہے۔ آج بدھ کو ہونے والی رائے شماری میں 225 رکنی ایوان میں وکرمے سنگھے کی حمایت میں 117 اراکین نے ووٹ ڈالا

امریکی فوج نے شمالی شام میں مبصر چوکیاں قائم کر دیں

امریکی وزارت دفاع نے اعلان کیا ہے کہ اْس کی افواج نے شمالی شام میں مبصر چوکیاں قائم کر دیں ہیں۔ اس اعلان میں ان چوکیوں کی تعداد اور مقامات کی وضاحت نہیں کی گئی ہے۔ اسی علاقے میں شامی کردوں کی ملیشیا وائی پی جی ایک بڑے علاقے پر قابض ہے

برطانوی وزیر اعظم کو درپیش قیادت کا چیلنج: کیوں اور کیسے؟

برطانوی پارلیمان کے ارکان نے قدامت پسند وزیر اعظم ٹریزا مے کے خلاف عدم اعتماد کی تحریک پیش کر دی ہے، جس پر رائے شماری آج بدھ بارہ دسمبر کو ہو رہی ہے۔ سوال یہ ہے کہ یہ تحریک پیش کیے جانے کے بعد اب ہو گا کیا ۔برطانوی وزیر اعظم ٹریزا مے نے اسی ہفتے پیر کا دن یورپ کے مختلف ممالک کے ...

سیٹلائٹ جی سیٹ ۔11کی کامیاب پرواز

ملک کے دیہاتوں اور ناقابل رسائی گرام پنچایتوں میں براڈ بینڈ کے رابطہ کو مستحکم کرنے کے ایک بڑے قدم کے طور پر ہندوستانی خلائی تحقیقی تنظیم (اسرو)کے سب سے بھاری اور جدیہ ترین مواصلاتی سیٹلائیٹ جی سیٹ۔11کو کامیابی کے ساتھ فرنچ گوانا کی خلائی بندرگاہ سے چہارشنبہ کی صبح کی اولین ...