زیادہ تر ووٹر ٹرمپ کی مخالفت یا حمایت میں باہر نکلے، سروے

Source: S.O. News Service | By Shahid Mukhtesar | Published on 8th November 2018, 1:08 PM | عالمی خبریں |

واشنگٹن 8نومبر(ایس او نیوز؍آئی این ایس انڈیا ) ووٹ دے کر آنے والوں کے انٹرویوز سے پتا چلتا ہے کہ منگل کے مڈٹرم الیکشن زیادہ تر صدر ٹرمپ پر مرکوز تھے۔ کچھ لوگ صرف ان کی مخالفت اور کچھ ان کی حمایت میں باہر نکلے۔اسی طرح ان کے ایجنڈے اور کامیابیوں کے متعلق بھی ووٹروں کی رائے تقسیم تھی۔ تقریباً نصف رائے دہندگان کا کہنا تھا کہ امیگریشن سے متعلق ٹرمپ کی پالیسیاں بہت سخت ہیں جب کہ ایک تہائی کا خیال تھا کہ ان کی پالیسی تقریباً ٹھیک ہے۔ رائے دہندگان میں 15 فی صد کا کہنا تھا کہ امیگریشن سے متعلق اقدامات کافی نہیں ہیں اور مزید بہت کچھ کرنے کی ضرورت ہے۔ووٹ دے کر آنے والوں سے متعلق سروے کا بندوبست سی این این نے کیا تھا۔سروے کے مطابق صدر ٹرمپ کے مشورے پر ری پبلیکنز کا منظور کردہ ٹیکس کے قانون کا امریکی ووٹروں پر زیادہ اثر نہیں پڑا۔ آدھے رائے دہندگان کا کہنا تھا کہ انہیں نئے ٹیکس قانون کا کوئی اثر دکھائی نہیں دیا۔ جب کہ 10 میں سے 3 کا کہنا تھا کہ ٹیکس قانون میں ترمیم سے انہیں فائدہ ہوا ہے۔صدر ٹرمپ کی غیر ملکی تجارت سے متعلق پالیسیوں پر ایک تہائی لوگوں نے کہا کہ اس کا ان کے علاقے میں معیشت پر کوئی اثر نہیں پڑا۔ جب کہ 30 فی صد نے کہا کہ ان پالیسیوں سے انہیں کافی نقصان ہوا ہے۔ ایک چوتھائی رائے دہندگان کا کہنا تھا کہ نئی تجارتی پالیسیوں سے ملکی معیشت بہتر بنانے میں مدد ملے گی۔

ایک نظر اس پر بھی

پاکستان جب تک دہشت گردی کے خلاف مؤثرکاروائی نہیں کرتا، ایئر اسٹرائک جیسے قدم اٹھاتے رہیں گے: وزارت دفاع

وزارت دفاع نے دو ٹوک کہا ہے کہ جب تک پاکستان دہشت گرد گروپوں کے خلاف قابل اعتماد کارروائی نہیں کرتا، تب تک ہندوستان اپنی قومی سلامتی کو یقینی بنانے کے لئے سخت اقدامات اٹھاتا رہے گا۔

2008 ممبئی حملے کا ماسٹر مائنڈ حافظ سعید گرفتار

  ممبئی دہشت گردانہ  حملے کے ماسٹرمائنڈ اور تنظیم جماعت الدعوۃ (جےیوڈی) کے چیف حافظ سعید کو Counter Terrorism Department (سی ٹی ڈی) نے پاکستان کے پنجاب  سے بدھ کو گرفتار کر لیا۔افسروں نے بتایا کہ سعید سی ٹی ڈی میں پیش ہونے کے لئے لاہور سے گجرانوالا آیا تھا، تبھی اس کو گرفتار کر لیا گیا۔ اس کے ...

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...

سری لنکا چرچ بم بلاسٹ میں ڈرگ مافیاکا ہاتھ ہے۔ صدر سیری سینا کا بیان

انگریزی اخبار دی نیو انڈین ایکسپریس میں شائع ایک رپورٹ کے مطابق سری لنکا کے صدر مائتھری پالا سیری سینا نے کہا ہے کہ عیسائی تہوار ایسٹر کے موقع پر چرچ کے اندر جو ہولناک بم دھماکے ہوئے تھے اس کے پیچھے بین الاقوامی ڈرگ مافیاکاہاتھ ہے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...