سنگاپور،21اگست(ایس او نیوز؍آئی این ایس انڈیا)امریکی بحریہ نے اعلان کیا ہے کہ پیر کے روز سنگاپور کے مشرق میں اس کا بحری جنگی جہاز ایک آئل ٹینکر سے ٹکرا گیا جس کے نتیجے میں جہاز پر موجود امریکی اہل کاروں میں سے 10لاپتہ ہو گئے۔امریکی بحریہ کی جانب سے جاری بیان کے مطابق یو ایس ایس جان مکین نامی جہاز کا یہ تصادم 21اگست کی صبح سنگاپور کے مشرقی سمندر میں پیش آیا۔

بیان میں بتایا گیا ہے کہ ابتدائی رپورٹ کے مطابق حادثے کے نتیجے میں امریکی بحری جنگی جہاز کے عقبی بائیں حصے کو نقصان پہنچا۔ مقامی حکام کے ساتھ رابطہ کاری سے اس وقت تلاش اور امداد کا آپریشن جاری ہے۔بیان کے مطابق اس تصادم کی اطلاع مقامی وقت کے مطابق صبح 5:24موصول ہوئی جب کہ امریکی بحری جنگی جہاز سنگاپور کی بندرگاہ کی جانب اپنے معمول کے دورے پر تھا۔