طالبان کے حملے میں 18 افغان ، 25 شدت پسند ہلاک 

Source: S.O. News Service | By Shahid Mukhtesar | Published on 11th March 2018, 8:29 PM | عالمی خبریں |

کابل 11مارچ (ایس او نیوز؍ آئی این ایس انڈیا )افغانستان کے صوبہ فراہ میں طالبان کے حملے میں 18 افغان فوجی ہلاک جب کہ جوابی کارروائی میں 25 طالبان بھی مارے گئے۔فراہ کے ضلع بالا بلوک میں افغان فوجی طالبان کے خلاف کارروائی کیلیے جمع ہو رہے تھے کہ اچانک جنگجوؤں نے حملہ کردیا جس میں 18 فوجی ہلاک ہوگئے۔افغان وزارت دفاع کے ترجمان دولت وزیری نے حملے کی تصدیق کی ہے، حملے کے بعد طالبان اور فوج میں شدید لڑائی ہوئی جس میں 25 طالبان بھی مارے گئے، بعد میں افغان فوج نے فضائیہ کی بھی مدد لی، طالبان ترجمان نے دعویٰ کیا کہ حملے میں افغان فوج کے 53 کمانڈوز ہلاک یا زخمی ہوئے، طالبان نے بھاری مقدار میں اسلحہ بھی قبضے میں لینے کا دعویٰ کیا ہے۔طالبان نے مذہبی رہنماؤں سے مطالبہ کیا ہے کہ وہ انڈونیشیا میں ہونے والی امن کانفرنس میں شرکت نہ کریں جس میں افغانستان میں امن کے حوالے سے بات چیت ہوگی جبکہ ایران کے مستقل مندوب برائے اقوام متحدہ نے افغانستان میں امن و امان کی صورت حال کو سب سے بڑا چیلنج قرار دے دیا، تہران ہمیشہ افغانستان میں امن و استحکام کے قیام کی حمایت کرتا ہے، ایران تمام افغان دھڑوں کے درمیان قومی مفاہمت اور امن کے عمل سے متعلق مشترکہ کاوشوں کی بھرپور حمایت کرے گا۔

ایک نظر اس پر بھی

انیس عامری ایک ’دہشت گرد سیل‘ کا حصہ تھا: جرمن میڈیا

برلن میں دو برس قبل ایک کرسمس مارکیٹ پر ٹرک کے ذریعے حملہ کرنے والا انیس عامری’تنہا بھیڑیا‘ نہیں تھا بلکہ ممکنہ طور پر اس کا تعلق ایک سلفی سیل سے تھا، جس نے اسے اس حملے میں مدد دی تھی۔جرمن میڈیا پر ہفتے کے روز سامنے آنے والی رپورٹوں کے مطابق برلن کرسمس مارکیٹ حملے کے فقط دو ...

فرانسیسی شہروں میں زرد جیکٹوں والے مظاہرین کا احتجاج

فرانس کے مختلف شہروں میں زرد جیکٹوں والے حکومت مخالف مظاہرین مسلسل پانچویں ویک اینڈ پر احتجاج کے لیے جمع ہیں۔ صدر ایمانوئل ماکروں کی حکومت کے خلاف مظاہروں کا یہ سلسلہ ایندھن کی قیمتوں میں اضافے پر شروع ہوا تھا۔ فرانسیسی دارالحکومت پیرس میں مظاہرین کی پرتشدد کارروائیوں کو ...

سری لنکا کے برخاست وزیراعظم پر پارلیمان کا اعتماد

رواں برس اکتوبر میں برخاست کیے جانے والے سری لنکن وزیراعظم رانیل وکرمے سنگھے نے پارلیمنٹ میں اعتماد کا ووٹ حاصل کر لیا ہے۔ آج بدھ کو ہونے والی رائے شماری میں 225 رکنی ایوان میں وکرمے سنگھے کی حمایت میں 117 اراکین نے ووٹ ڈالا

امریکی فوج نے شمالی شام میں مبصر چوکیاں قائم کر دیں

امریکی وزارت دفاع نے اعلان کیا ہے کہ اْس کی افواج نے شمالی شام میں مبصر چوکیاں قائم کر دیں ہیں۔ اس اعلان میں ان چوکیوں کی تعداد اور مقامات کی وضاحت نہیں کی گئی ہے۔ اسی علاقے میں شامی کردوں کی ملیشیا وائی پی جی ایک بڑے علاقے پر قابض ہے

برطانوی وزیر اعظم کو درپیش قیادت کا چیلنج: کیوں اور کیسے؟

برطانوی پارلیمان کے ارکان نے قدامت پسند وزیر اعظم ٹریزا مے کے خلاف عدم اعتماد کی تحریک پیش کر دی ہے، جس پر رائے شماری آج بدھ بارہ دسمبر کو ہو رہی ہے۔ سوال یہ ہے کہ یہ تحریک پیش کیے جانے کے بعد اب ہو گا کیا ۔برطانوی وزیر اعظم ٹریزا مے نے اسی ہفتے پیر کا دن یورپ کے مختلف ممالک کے ...