افغانستان کے غزنی شہر پرطالبان کا بھیانک حملہ
غزنی ،10؍اگست(ایس او نیوز؍آئی این ایس انڈیا) افغانستان کے غزنی شہر میں طالبان نے بھاری ہتھیاروں کے ساتھ جمعہ کی صبح رہائشی اور تجارتی احاطے پر جم کر فائرنگ کی اور کئی ٹھکانوں پر قبضہ کر لیا۔ سرکاری ذرائع نے بتایا کہ دارالحکومت کابل اور جنوبی افغانستان کو جوڑنے والے اس علاقے میں طالبان کا یہ حملہ حالیہ حملوں میں کافی بڑا حملہ ہے۔
ذرائع نے بتایا کہ سرکاری فوجوں اور طالبان کے درمیان جمعرات رات ہی سے جھڑپیں چل رہی تھی اور اس کے بعد فوج نے کابل کو جوڑنے والے ہائی وے کو بند کر دیا۔
غزنی کے ایک سینئر افسر نے بتایا کہ طالبان رہائشی اور تجارتی علاقوں میں زبردست فائرنگ کر رہے ہیں اور ایک لمحے بھی ایسا نہیں آیا جب گزشتہ آٹھ گھنٹوں میں فائرنگ رکی ہو۔
ایک اور افسر نے بتایا کہ لوگوں کے لئے گھروں سے باہر نکلنا بہت خطرناک ہو گیا ہے اور ابھی تک اس میں ہلاکتوں کی تعداد کے بارے میں صحیح معلومات نہیں ملی ہے۔
دریں اثنا، طالبان کے ترجمان ذیبح اللہ مجاہد نے کہا کہ وہ شہر کے بہت سے حصوں پران کا قبضہ ہے اور اس حملے میں کافی لوگ ہلاک ہوئے ہیں۔