شام: کیمیائی حملہ، تفتیش کے لیے نگراں عالمی ادارے کا وفد شام جائے گا

Source: S.O. News Service | By Shahid Mukhtesar | Published on 11th April 2018, 5:06 PM | عالمی خبریں |

واشنگٹن11اپریل (ایس او نیوز؍ آئی این ایس انڈیا)کیمیائی ہتھیاروں پر نگاہ رکھنے پر مامور ایک عالمی ادارے نے منگل کے روز کہا ہے کہ وہ شام کے قصبے، دوما کی جانب ایک وفد روانہ کر رہا ہے، جو گذشتہ اختتام ہفتہ دمشق کے قریب ہونے والے زہریلی گیس کے مبینہ حملے کی تفتیش کرے گا۔کیمیائی ہتھیاروں کے استعمال پر ممانعت سے متعلق تنظیم نے بتایا ہے کہ اس طرح کی التجا موصول ہونے پر وفد دوما جا سکتا ہے۔تنظیم کے بقول، ’’یہ اقدام شامی جمہوریہ? عرب اور روسی فیڈریشن کی جانب سے کی جانے والی درخواست پر کیا گیا ہے جنھوں نے کیمیائی ہتھیاروں کے استعمال کے بارے میں تفتیش کے لیے کہا ہے۔ یہ ٹیم فوری طور پر شام میں تعینات ہوگی، جس کی تیاری کی جا رہی ہے‘‘۔وائٹ ہاؤس نے منگل کے روز اِس بات کا اعلان کیا ہے کہ صدر ڈونالڈ ٹرمپ لاطینی امریکہ کا مجوزہ دورہ منسوخ کر رہے ہیں، تاکہ وہ ’’شام کے خلاف جوابی کارروائی کی نگرانی کر سکیں‘‘۔ٹرمپ نے کہا ہے کہ اس بات کا امکان ہے کہ اْن کی انتظامیہ ’’حقائق کو پیش نظر رکھ کر‘‘ مبینہ کیمیائی حملے کا جواب دے۔پیر کی شام گئے اعلیٰ فوجی قیادت سے ملاقات سے قبل، ٹرمپ نے بتایا کہ ’’اس کا جواب دیا جائے گا، اور یہ جواب مؤثر ہوگا‘‘۔

ایک نظر اس پر بھی

شمالی کوریا میزائل ٹیسٹ سائٹ کو بند کر دے گا: صدر مون

جنوبی کوریا کے صدر مون جائے اِن کا کہنا ہے کہ شمالی کوریا نے میزائل لانچ اور ٹیسٹ کرنے کے ایک مرکز کو بند کرنے کا اعلان کیا ہے۔شمالی کوریا کے دارالحکومت پیانگ یانگ میں دونوں ممالک کے صدور کے درمیان ملاقات کے بعد صدر مون نے کہا کہ انھوں نے کم جونگ اُن کے ساتھ جوہری ہتھیاروں کے ...

افغانی اور بنگلہ دیشی پناہ گزینوں کو پاکستان کی شہریت دیں گےعمران خان

پاکستان میں جو بچے پیدا ہوئے ہیں، ان کو شہریت دی جائے گی۔پاکستان کے وزیراعظم عمران خان نے اعلان کیا ہے کہ ان کی حکومت پاکستان میں پیدا ہوئے تمام افغانی اوربنگلہ دیشی پناہ گزینوں کو شہریت فراہم کرے گی۔ ایکسپریس ٹریبیونل کی خبر کے مطابق حکومت بنانے کے بعد اتوار کو اپنے پہلے دورے ...

امریکا 2019 میں 30 ہزار پناہ گزین قبول کرے گا

امریکی صدر ڈونلڈ ٹرمپ کی انتظامیہ نے پیر کے روز ایک اعلان میں بتایا ہے کہ آئندہ برس کے لیے پناہ گزین پروگرام کے سلسلے میں پناہ گزینوں کی حد 30 ہزار مقرر کی گئی ہے۔