سوڈانی صدرعمر البشیر نے پارٹی قیادت اپنے نائب کو سونپ دی

Source: S.O. News Service | By Shahid Mukhtesar | Published on 2nd March 2019, 12:22 PM | عالمی خبریں |

خرطوم، ، 2 مارچ (ایس او نیوز؍ آئی این ایس انڈیا )سوڈان کے صدر عمرالبشیر نے حکمراں جما عت کانگریس کی قیادت جماعت کے نائب صدر احمد محمد ہارون کو سونپ دی ہے۔ ھارون پارٹی قیادت کے انتخابات تک اس کے سربراہ ہوں گے۔سوڈان کی حکمراں جماعت کی طرف سے جاری ایک بیان میں کہا گیا ہے کہ صدر عمر البشیر پارٹی کی سربراہی سے دستبردار ہوگئے ہیں اور انہوں نے اپنے نائب احمد محمد ھارون کو جماعت کا نیا صدر مقرر کیا ہے۔خیال رہے کہ سوڈان کے نائب صدر ھارون کو عالمی عدالت انصاف کی طرف سے دارفر میں جنگی جرائم میں ملوث ہونے پر ’اشتہاری‘ قرار دے رکھا ہے ،مگرحال ہی میں سوڈان کی حکمراں جماعت نے انہیں پارٹی کا نائب صدر مقرر کیا تھا۔سوڈان کی حکمران جماعت کی طرف پارٹی قیادت سے متعلق یہ بیان ایک ایسے وقت میں آیا ہے جب حال ہی میں سوڈانی صدر عمرالبشیر نے احمد محمد ھارون کے بارے میں کہا تھا کہ وہ تمام سیاسی قوتوں کے ساتھ ایک ہی مسافت پر ہیں۔اطلاعات کے مطابق صدر عمرالبشیر ایک نئی جماعت کی تشکیل کرسکتے ہیں جو موجودہ بحران سے نکلنے میں مدد دے سکتی ہے۔سوڈان کی حکمراں جماعت کی قیادت میں تبدیلی ایک ایسے وقت میں عمل میں لائی گئی جب دوسری جانب عوامی مظاہروں کے بعد ملک میں ہنگامی حالت نافذ ہے۔ گذشتہ جمعہ کو خرطوم میں ایوان صدر میں حکومت نے مظاہرین کے مطالبات پورے کرنے کے لیے اہم فیصلوں کا بھی اعلان کیا تھا۔

ایک نظر اس پر بھی

کرائسٹ چرچ سانحہ: نیوزی لینڈ میں فوجی طرز کے ہتھیاروں پر لگی پابندی

نیوزی لینڈ کی وزیر اعظم جیسنڈا آرڈرن نے جمعرات کو کہا کہ ملک میں نیم خود کار ہتھیار اور اسالٹ رائفلوں پر پابندی دی گئی ہے۔ حال ہی میں نیوزی لینڈ کے شہر کرائسٹ چرچ میں دو مساجد پر حملے کے پیش نظر نیم خود کار ہتھیاروں اور اسالٹ رائفلوں پر پابندی لگانے کا فیصلہ کیا ہے۔

انڈونیشیا میں سیلاب اور تودے سے مرنے والوں کی تعداد 89 ہوئی

  انڈونیشیا کے مشرقی علاقے پاپوا میں سیلاب اور مٹی کے تودے گرنے سے مرنے والوں کی تعداد بڑھ کر 89 ہو گئی ہے اور لاپتہ 74 لوگوں کی تلاش کے لئے ریسکیو آپریشن چلایا جا رہا ہے۔ راحت رسانی مہم میں مصروف حکام نے منگل کو یہاں یہ اطلاع دی۔

پاکستان جیسے دوست ملک سے امریکہ کو ’خارش ‘ ہونے لگی : پاکستان کا ایٹمی پروگرام امریکہ کے لیے بڑا خطرہ ہے: مائیک پومپیو

امریکی وزیر خارجہ مائیک پومپیو نے اتوار کو ایک انٹرویو میں امریکی سلامتی کو درپیش پانچ بڑے مسائل بتاتے ہوئے کہا کہ پاکستان کے ایٹمی پروگرام کے غلط ہاتھوں میں لگ جانے کا خدشہ ان میں سے ایک ہے۔