سیول،12ستمبر(ایس او نیوز؍آئی این ایس انڈیا)جنوبی کوریا نے اقوام متحدہ کی سلامتی کونسل کی طرف سے شمالی کوریا کے خلاف لگائی گئی نئی پابندیوں کا خیر مقدم کیا ہے۔ جنوبی کوریا کے مطابق پیونگ یانگ کے لیے معاشی مشکلات اور تنہا رہ جانے سے بچنے کا واحد راستہ یہ ہے کہ وہ اپنا جوہری پروگرام ختم کر دے۔ جنوبی کوریا کے صدارتی دفتر کے مطابق شمالی کوریا کو یہ بات سمجھنی چاہیے کہ بین الاقوامی امن کو چیلنج کرنے کا نتیجہ اس کے خلاف مزید سخت بین الاقوامی پابندیوں کی صورت میں نکلے گا۔