سنگاپور میں پہلی خاتون صدر کی تقرری

Source: S.O. News Service | By Shahid Mukhtesar | Published on 14th September 2017, 12:08 AM | عالمی خبریں |

سنگاپور،13ستمبر(ایس او نیوز؍آئی این ایس انڈیا)سنگاپور میں ملک کی پہلی خاتون صدر کی تقرری ہو گئی ہے۔ سابق پارلیمانی اسپیکر تریسٹھ سالہ حلیمہ یعقوب کا تعلق مسلمانوں کی مالے نامی اقلیت سے ہے۔ انہیں کسی ووٹنگ کے بغیر ہی ملکی صدر مقرر کر دیا گیا، جس پر تنقید بھی جاری ہے۔ ان کی تقرری اس لیے عمل میں آئی کیونکہ حکام کے مطابق دیگر امیدوار مطلوبہ معیار پر پورے نہیں اتر سکے۔ ساڑھے پانچ ملین آبادی والے سنگاپور میں اگرچہ اکثریت چینی نسل کے افراد کی ہے تاہم صدر کے عہدے کے لیے مالے کمیونٹی سے کسی فرد کو اس لیے چنا گیا تاکہ مذہبی مساوات کا پیغام دیا جا سکے۔ یہ امر اہم ہے کہ سنگاپور میں صدر کے اختیارات کافی محدود ہوتے ہیں۔

ایک نظر اس پر بھی

شاہ سلمان ریلیف مرکز کے زیراہتمام جنگ سے متاثر80 یمنی بچوں کی بحالی

یمن میں حوثی شدت پسندوں کی جانب سے جنگ میں جھونکے بچوں کی بحالی کے لیے شاہ سلمان ریلیف سینٹر بحالی پروگرام کے پانچویں اور چھٹے مرحلے کا آغاز کردیا ہے۔ اس مرحلے میں جنگ سے متاثرہ 80 بچوں کو بحالی پروگرام سے گذارنے کے بعد ان کے گھروں کو بھیجا جائے گا۔

کانگریس ایران کو عالمی مالیاتی نظام سے الگ کرنے کے لیے کوشاں

امریکا کے باوثوق ذرائع کا کہنا ہے کہ کانگریس ایران کو عالمی مالیاتی نظام سے الگ کرنے کے لیے کوشاں ہے۔ذرائع کے مطابق امریکی کانگریس نے ایران کی منی لانڈرنگ اور دہشت گرد تنظیموں کو فنڈنگ پر گہری نظر رکھی ہوئی ہے۔