وجئے پورا:16/اگست(ایس او نیوز) وزیراعلیٰ سدارامیا آئندہ ماہ ایشیا کے سب سے بڑے انٹی گریٹیڈ مائیکرو اری گیشن سسٹم رام تھل مائیکرو اریگییشن پروجیکٹ کو قوم کے نام کریں گے ۔وزیر آبی وسائل ایم بی پاٹل نے آج اس بات کا اعلان کیا۔قومی سطح کے واٹر کنونشن سے خطاب کرتے ہوئے جس کا اہتمام محکمہ آبی وسائل ، وجئے پورہ ضلع انتظامیہ اور جالا بیرادی تنظیم کی جانب سے مشترکہ طور پر کیا گیا ہے ، ، کہاکہ باگل کوٹ کے ہنگوڑ تعلقہ کی تقریبا 70000ایکڑ اراضی کو سیراب کیاجائے گا جو بنجر ہے ۔اس سے پانی سے موثر استفادہ ہوسکے گا ۔پاٹل نے کہا کہ آبی وسائل کے محکمہ نے مزید پانچ لاکھ ایکڑ اراضی کو مائیکرو اریگیشن اسکیم کے تحت لانے کا منصوبہ تیار کیا ہے ۔انہوں نے کہا ''سنگاتولور لفٹ اریگیشن سسٹم، کرشنا طاس میں کُپل لفٹ اریگیشن سسٹم اور کاویری کے طاس کی پوری گلی مائیکرو اریگیشن سسٹم ، ریاست کے چھوٹے آبپاشی کے پروجیکٹس میں شامل ہیں جو پیشرفت کے مختلف مراحل میں ہیں۔ان پروجیکٹس کے آغاز سے کرناٹک پورے ملک میں سب سے زیادہ چھوٹے آبپاشی کے پروجیکٹس والی ریاست بن جائے گی۔ان پروجیکٹس کے سبب اس علاقہ میں زرعی پیداوار میں بتدریج اضافہ کے نتائج سامنے آئیں گے ۔انہوں نے کہا کہ اس بات کویقینی بنایا جائے گا کہ اس علاقہ کے کسانوں کو مزید فائدے پہنچے ۔ہم زرعی راہداری بنانے کا منصوبہ رکھتے ہیں ۔ اس کے ساتھ ریاست میں آبپاشی کے علاقہ میں اضافہ ہوجائے گااوراگروپروسیسنگ کے شعبہ میں سرمایہ کاری کو راغب کرنے کی کوششیں بھی کی جارہی ہیں ۔آبپاشی کے نظام کو مستحکم کرنے کے لئے گزشتہ چار برسوں کے دوران حکومت کی جانب سے کی گئی کوششوں کو اجاگر کرتے ہوئے انہوں نے کہا ''ہم نے کرشنا طاس میں نہروں کو نظام کو مستحکم کرنے کیلئے 4000کروڑروپئے صرف کئے ہیں ۔ان کوششوں کے سبب ہی نارائن پور لفٹ بینک کنال میں پانی کی گنجائش میں بہتری آئی ہے ۔ان کے محکمہ کی جانب سے تالابوں کو پُر کرنے کے پروجیکٹس کا حوالہ دیتے ہوئے وزیرموصوف نے کہا کہ ہم 6000 کروڑروپئے کے صرفہ سے ریاست بھر کے 1500 بڑے تالابوں کو پُر کرنے کا منصوبہ رکھتے ہیں۔75تالابوں کو پُر کرنے کے اس مجوزہ اسکیم کا حوالہ دیتے ہوئے وزیر موصوف نے کہا کہ ریاستی حکومت نے پہلے ہی 3000 کروڑروپئے صرف کرتے ہوئے 25تالابوں کو پُر کرنے کا کام مکمل کرلیا ہے ۔یہ کہتے ہوئے کہ قدیم تالابوں کو کارگر بنانے سے ماضی کے پانی کے نظام اور تقسیم سے ریاست میں تالابوں میں نئی جان پیداہوگی،وزیرموصوف نے کہا کہ حکومت عادل شاہی دور کے پینے کی سپلائی کے نظام کو بحال کرنے کیلئے مساعی پر پرائیویٹ کمپنیوں اور افراد کی حوصلہ افزائی کرے گی۔