سینیٹ سے جج کیوینو کی توثیق صدر ٹرمپ کی بڑی فتح

Source: S.O. News Service | By Staff Correspondent | Published on 8th October 2018, 8:28 PM | عالمی خبریں |

واشنگٹن8اکتوبر ( آئی این ایس انڈیا؍ایس او نیوز ) امریکہ کی سینیٹ نے 48 کے مقابلے میں 50 ووٹوں کے ساتھ سپریم کورٹ کے جج کے عہدے کے لیے بریٹ کیوینو کی نامزدگی کی توثیق کر دی ہے۔اس توثیق کے ساتھ ہی حالیہ تاریخ کی پر خراش اور بہت قریب سے دیکھی جانے والی نامزدگی کی جنگوں میں سے ایک اپنے انجام کو پہنچ گئی ہے۔امریکی نمائندے مائیکل بومین کی رپورٹ کے مطابق اس قضیے کا نتیجہ صدر ڈونلڈ ٹرمپ کے لیے ایک بڑی فتح کی صورت میں سامنے آیا ہے جس کے دور رس سیاسی اثرات ہو سکتے ہیں، وہ بھی ایسے وقت جب وسط مدتی انتخابات میں صرف ایک ماہ باقی ہے۔بریٹ کیوینو نے خود پر لگے ناروا جسنی رویے کے الزامات کے خلاف مزاحمت کی جس نے پہلے سے جماعتی بنیادوں پر برہم سینٹ کو مزید برانگیختہ کر دیا۔ لیکن اب وہ سپریم کورٹ کے نئے جج کا عہدے پر فائز ہو چکے ہیں۔ہفتے کو بریٹ کیوینو کی نامزدگی کی توثیق کے لیے ووٹنگ کے موقع سینیٹ کے ایوان کے اندر اور باہر احتجاج ہوتا رہا۔سینیٹ کے ایک ڈیموکریٹ اور دو سے تین ایسے ری پبلکن ارکان نے جنہوں نے کیوینو کی حمایت یا مخالفت کا پہلے فیصلہ نہیں کر رکھا تھا، جمعے کو ان کی حمایت کا اعلان کر دیا تھا جس کے بعد ان کی توثیق کی راہ میں حائل آخری رکاوٹ بھی دور ہوگئی تھی۔ری پبلکن سینیٹر سوزن کالنز نے یہ کہہ کر جج کیوینو کی نامزدگی کے حق میں ووٹ دینے کا اعلان کیا تھا کہ وہ نہیں سمجھتیں کہ یہ الزامات کیوینو کو سپریم کورٹ کے جج کی حییثیت سے خدمات انجام دینے سے روک سکتے ہیں۔ایک ہفتہ قبل یونیورسٹی پروفیسر کرسٹین بلاسی فورڈ نے سینیٹ کی قائمہ کمیٹی برائے عدلیہ میں اپنا بیانِ حلفی دیتے ہوئے کہا تھا کہ کیوینو نے ان کے ساتھ 1982 میں اس وقت دست درازی کی کوشش کی تھی جب وہ دونوں کالج کے طالبِ علم تھے۔جج کیوینو نے سختی سے اس الزام کی تردید کی تھی۔ ایف بی آئی کی ایک ہفتے پر مشتمل محدود تحقیقات میں بھی مبینہ طور پر اس الزام کی حمایت میں کوئی قابلِ ذکر شہادت نہیں ملی تھی جس کے بعد تمام ری پبلکن سینیٹرز نے جج کیوینو کی حمایت کا اعلان کیا تھا۔سپریم کورٹ کے جج کی نامزدگی کی اس جنگ پر پوری امریکی قوم شش و پنج میں مبتلا رہی اور لوگوں کی طرف سے سخت جذبات کا اظہار کیا گیا۔ڈیموکریٹ سینیٹر کرسٹین گلیبرینڈ کے بقول آج پورے ملک میں دسیوں لاکھوں خواتین کے لیے ایک تکلیف دہ دن ہے۔ ان کی آواز سنی جائے گی۔ وہ احتجاجی مارچ کریں گی۔ وہ ٹاون ہالز میں شرکت کر رہی ہیں۔ری پبلکن سینیٹر جان کارنی کہتے ہیں کہ ہم نے جو چند ایک حربے دیکھے ہیں۔ سینیٹرز پر راہداریوں میں جملے کسے جاتے ہیں۔ ان پر چیخا چلایا جاتا ہے۔ اس چیز کو نیا معمول نہیں بننے دینا چاہیے۔ ہم ایسی چال بازیوں کو اعزاز نہیں بخشیں گے۔وہ لوگ جو کیوینو کی سپریم کورٹ کے جج کی حیثیت سے تعیناتی اور سپریم کورٹ میں قدامت پسندوں کی اکثریت ہو جانے پر نالاں ہیں، ان کے لیے ڈیموکریٹس کا ایک سادہ سا پیغام ہے کہ ووٹ دیجیے۔بریٹ کیوینو کی توثیق کے بعد ڈیموکریٹ سینیٹر ڈک ڈربن نے کہ کہ کل ایک نیا دن ہو گا۔ ہم خوش نصیب ہیں کہ ایسی جمہوریت میں رہتے ہیں جو ہماری آزادیوں کا تحفظ کرتی ہے اور ہمارے شہریوں کو پولنگ اسٹیشنز پر حرفِ آخر کہنے کا موقع فراہم کرتی ہے۔ آئندہ ماہ ہونے والے وسط مدتی انتخابات اس بات کا فیصلہ کریں گے کہ کانگریس کے دونوں ایوانوں پر کس پارٹی کا کنٹرول ہوگا؟ انتخابی جائزے ثابت کر رہے ہیں کہ کیوینو کے مسئلے پر تند و تیز جنگ نے ڈیموکریٹک اور ری پبلکن پارٹی کے بنیادی حامی ووٹروں کو تازہ دم کر دیا ہے۔جو جماعت بھی اس جوش و خروش کو برقرار رکھے گی، وہ قوی امکان ہے کہ نومبر کے انتخابات میں اس کے ثمرات پائے گی۔

ایک نظر اس پر بھی

نوازشریف کو کچھ ہوا تو عمران ذمہ دار ہوں گے :شہباز

پنجاب اسمبلی میں قائد حزب اختلاف حمزہ شہباز نے کہا ہے کہ حکومت نواز شریف کی صحت سے متعلق بے حسی کا مظاہرہ کر رہی ہے اوراہل خانہ کو انکی صحت سے متعلق کچھ آگاہ نہیں کیا جا رہا، نواز شریف کو کچھ ہوا تو ذمہ دار وزیراعظم ہوں گے،نیازی صاحب نے وعدہ کیا تھا کہ ہم نئے صوبہ بنائیں گے، ...

وینزویلا:حکومت کے حامی اور مخالفین سڑکوں پر

وینزویلا کے دارالحکومت کارکاس میں حکومت کے حامی اور مخالفین سڑکوں پر نکل آئے۔ایک طرف صدر مادورو کی اپیل پر ہاتھوں میں وینزویلا کے پرچم لئے مظاہرین سڑکوں پر تھے تو دوسری طرف حزب اختلاف کے لیڈر ہوان گوآئیڈو کے حامی۔مادورو کے حامی شاویز کے انقلابِ بولیوار کی 20 ویں سالانہ یاد کے ...

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...