دمشق5اکتوبر(ایس او نیوز؍آئی این ایس انڈیا)شامی صوبے ادلب میں روسی فضائیہ کے ایک حملے میں شدت پسند تنظیم النصرہ فرنٹ کے انچاس عسکریت پسند ہلاک کر دیے گئے۔ ان میں سے سات اس تنظیم کے عسکری کمانڈر تھے۔ روس کے سرکاری نشریاتی ادارے نے یہ بات ماسکو میں وزارت دفاع کے آج جمعرات کے روز دیے گئے ایک بیان کے حوالے سے بتائی۔ النصرہ فرنٹ ماضی میں القاعدہ کا حصہ رہی ہے۔ گزشتہ برس اس تنظیم نے القاعدہ سے علیحدگی اختیار کرتے ہوئے حیات التحریر الشام میں شامل ہو کر اس شدت پسند اتحاد کی قیادت سنبھال لی تھی۔