دبئی23جولائی(ایس او نیوز؍آئی این ایس انڈیا):   متحدہ عرب امارات کی جانب سے ہفتے کے روز کہا گیا ہے کہ جب تک دوحہ حکومت اپنی پالیسیاں تبدیل نہیں کرتی۔ اس کے خلاف پابندیاں ختم نہیں کی جائیں گی۔ متحدہ عرب امارات کے وزیرِ مملکت برائے امورِ خارجہ انور قرقاش نے کہا کہ دوحہ حکومت کے ساتھ مذاکرات کے آغاز سے قبل اس کی جانب سے پالیسیوں میں تبدیلی ضروری ہے۔ قطر کے امیر شیخ تمیم بن حماد الثانی کی جانب سے مذاکرات کے مطالبے کا خیرمقدم کرتے ہوئے قرقاش نے اس پر زور دیا کہ دوحہ حکومت کو اپنی بنیادی پالیسیوں میں تبدیلی پیدا کرنا ضروری ہے۔