ہراسانی اور عصمت دری کی کوشش کے الزام میں ایک شخص گرفتار
پتور 24؍اگست (ایس او نیوز)پتور کے مضافات میں موکوے نامی گاؤں میں ایک کالج کی طالبہ کو سر راہ ستانے اور جنسی طور پر ہراساں کرنے کے الزام میں محمد زکریا (34سال) کو پولیس نے گرفتار کرلیا ہے۔
بتایاجاتا ہے کہ پچھلے کچھ عرصے سے محمد زکریا اس لڑکی کو کالج جاتے وقت راستے پر ہراساں کیا کرتاتھا۔ دو دن قبل جب وہ کالج جارہی تھی تو اس نے ٹیلی فون نمبر لکھے ہوئے ایک کاغذ کے پرزے میں کچھ پیسے رکھ کر اسے تھمادیا ۔اس کے علاوہ لڑکی کا ہاتھ پکڑ کر اسے زبردستی اپنے ساتھ لے جانے کی بھی کوشش کی ۔ لڑکی کی شکایت پر کارروائی کرتے ہوئے پولیس نے ملزم کو گرفتار کرکے عدالت میں پیش کیا جہاں سے اس کو پندرہ دن کی عدالتی تحویل میں بھیج دیا گیا ہے۔