استنبول2جون (ایس او نیوز؍آئی این ایس انڈیا ) ترکی میں سیکڑوں سماجی اور انسانی حقوق کارکنوں نے ا?ج سے اٹھ برس قبل غزہ کی پٹی کے لیے امدادی سامان لے جانے والے بحری جہاز مرمرہ پر اسرائیلی نیوی کے حملے اور نو ترک رضاکاروں کی شہادت کی یاد میں ایک احتجاجی مظاہرہ کیا گیا۔ اطلاعات کے مطابق احتجاجی مظاہرے کا اہتمام ترکی کے امدادی ادارے ’IHH‘ کی جانب سے کیا گیا تھا۔ اس موقع پر خطاب میں مقررین نے کہا کہ اسرائیلی فوج کی بحری قذاقی کے مجرمانہ واقعے کے باوجود فلسطینی عوام باالخصوص غزہ کے محصورین کی امداد کی مساعی میں کمی نہیں آئی ہے۔استنبول کے تقسیم اسکوائر میں ہونے والے اس مظاہرے میں ہزاروں شہرویوں نے شرکت کی۔ انہوں نے فلسطینی قوم کی حمایت میں نعرے بازی کی اور صہیونی ریاست کے مظالم کی عالمی سطح پر تحقیقات کا مطالبہ کیا۔خیال رہے کہ 31 مئی 2010 کو ترکی سے غزہ جانے والے ایک بحری امدادی جہاز مرمرہ پر اسرائیلی فوج نے کھلے سمندر میں حملہ کرکے 9 ترک رضاکاروں کو شہید اور 50 کو زخمی کرنے کے بعد چھ سو کارکنوں کو یرغمال بنا لیا تھا۔ قابض فوج نے فریڈم فلوٹیلا امدادی قافلے میں شامل تمام جہازوں پر لدے سامان کو لوٹ لیا تھا۔