پوپ فرانسس روہنگیا مسلمانوں کی داستانیں سن کر آبدیدہ

Source: S.O. News Service | By Shahid Mukhtesar | Published on 3rd December 2017, 7:42 PM | عالمی خبریں |

دبئی ،3دسمبر (ایس او نیوز؍ آئی این ایس انڈیا)مسیحیوں کے روحانی پیشوا پوپ فرانسس کا کہنا ہے کہ پناہ گزینوں کے بحران سے دوچار ملک کا دورہ کرنے کے دوران وہ لوگوں کی داستانیں سُن کر رو پڑے جہاں اقلیت کو "نسلی تطہیر" کا سامنا ہے۔پوپ ویٹی کن نے ہفتے کے روز بتایا کہ میانمار اور بنگلہ دیش کا دورہ کرنے کے لیے انہوں نے یہ شرط رکھی تھی کہ روہنگیا افراد سے ان کی ملاقات کرائی جائے۔ ملاقات کے موقع پر متاثرہ افراد نے پوپ کو براہ راست اپنی مشقّت کی استان سنائی۔روہنگیا افراد کے ساتھ پوپ کی ملاقات کو میانمار سے فرار ہونے والی مسلم اقلیت کے ساتھ یک جہتی کا اہم علامتی اقدام شمار کیا جا رہا ہے۔ روم واپسی کے سفر میں پوپ نے طیارے میں صحافیوں کو بتایا کہ اُن سے ملاقات کرنے والے پناہ گزیں بھی رو پڑے تھے۔اپنی صاف گوئی کے حوالے سے معروف پوپ میانمار کے دورے میں محتاط سفارت کاری پر انحصار کرنے پر مجبور ہو گئے۔ تاہم بنگلہ دیش میں انہوں نے موضوع پر براہ راست بات کی اور ڈھاکا میں بعض روہنگیا پناہ گزینوں سے پُر اثر ملاقات کی۔ ان افراد کا تعلق بنگلہ دیش کے جنوب میں واقع پناہ گزین کیمپوں سے تھا۔پوپ نے روہنگیا مسلمانوں کو مخاطب کرتے ہوئے کہا کہ " جن لوگوں نے آپ کو اذیت اور تکلیف سے دوچار کیا میں ان کی طرف سے آپ لوگوں سے معافی کا طلب گار ہوں بالخصوص دنیا کی بے پروائی کے بیچ۔پوپ نے روہنگیا کا لفظ پہلی مرتبہ بنگلہ دیش میں استعمال کیا۔ اس سے قبل ینگون کے پادریوں کے سربراہ پوپ کو نصیحت کر چکے تھے کہ میانمار میں اس لفظ کا استعمال کشیدگی بھڑکا سکتا ہے اور اس سے مسیحیوں کے لیے خطرہ پیدا ہو سکتا ہے۔ گزشتہ تین ماہ میں 6.2 لاکھ سے زیادہ روہنگیا باشندے بنگلہ دیش کے جنوب میں پہنچے۔ ان لوگوں نے میانمار میں فوج کے آپریشن کے سبب راہ فرار اختیار کی۔ اقوام متحدہ اس آپریشن کو نسلی تطہیر کی کارروائی شمار کرتی ہے۔

ایک نظر اس پر بھی

چینی فضائیہ کے بمبار طیارے کی جنوبی چین میں جزیرے کے رن وے پر لینڈنگ

چین کی عوامی سپاہ آزادی کی فضائیہ نے حالیہ مشق کے دوران بحیرۂ جنوبی چین کے ایک ہوائی اڈے پر اپناایچ۔6بمبار طیارہ اتارا اس طرح چینی بمبار طیارہ اس علاقے میں کسی ہوائی اڈے کو استعمال کرنے والا پہلا طیارہ بن گیا ہے۔

بچوں سے جنسی زیادتیاں: چلی کے تمام 34 بشپس استعفیٰ پیش کرنے پر متفق 

کیتھولک مسیحیوں کے کلیسائے روم کی تاریخ میں شاذ و نادر نظر آنے والی ایک پیش رفت میں بچوں سے جنسی زیادتیوں کے ایک بہت بڑے اسکینڈل کی وجہ سے چلی کے تمام چونتیس بشپس نے پاپائے روم کو اپنے استعفوں کی پیشکش کر دی ہے۔

افغانستان: اسٹیڈیم میں دھماکے، آٹھ ہلاک

افغانستان کے مشرقی شہر جلال آباد میں کھیلوں کے ایک اسٹیڈیم میں دھماکوں سے کم از کم آٹھ افراد ہلاک ہو گئے ہیں۔افغان حکام کے مطابق جمعہ کو دیر گئے اس اسٹیڈیم میں ایک کرکٹ میچ ہونے جا رہا تھا جب یہ دھماکے ہوئے اور اس میں متعدد افراد زخمی بھی ہوئے۔