اسلام آباد 15جنوری ( ایس او نیوز؍آئی این ایس انڈیا )امریکی قائم مقام معاون وزیرخارجہ ایلس ویلزنے کہاہے کہ افغانستان میں امریکی اسٹریٹجی کی کامیابی کیلییپاکستان کا کرداراہم رہاہے۔پاکستان کے دورے پر آئی ہوئی امریکی قائم مقام معاون وزیرخارجہ ایلس ویلز نے اسلام آباد میں سیکریٹری خارجہ تہمینہ جنجوعہ سے ملاقات کی۔اس ملاقات کے حوالے سے دفتر خارجہ کے جاری کیے گئے اعلامیے میں کہاگیاہے کہ امریکی قائم مقام معانون وزیر خارجہ نے مزید کہا کہ دونوں ممالک کوانسداد دہشت گردی کے لیے باہمی تعاون کومزیدفروغ دینا ہوگا۔اس موقع پرسیکریٹری خارجہ تہمینہ جنجوعہ کا کہنا ہے کہ پاکستان اور امریکا کو باہمی اعتماد اور احترام کی فضا میں آگے بڑھنا ہے، امریکی وفد کو دہشت گردی کیخلاف حالیہ کارروائیوں پر بریفنگ دی گئی۔انہوں نے مزید کہا کہ افغان مہاجرین کی جلد ازجلد واپسی پاک افغان تعلقات کی بہتری کے لیے ضروری ہے، افغانستان میں قیام امن کے لیے پاکستان تعاون جاری رکھے گا۔سیکریٹری خارجہ نے یہ بھی کہا کہ بھارتی اشتعال انگیزی سے گزشتہ رات بھی چار اہلکار شہید ہوئے، امریکا بھارت کو اشتعال انگیزی روکنے کا مشورہ دے۔اس ملاقات کے حوالے سے دفتر خارجہ نے اعلامیے میں یہ بھی کہا ہے کہ یہ دورہ دونوں ممالک کے درمیان باہمی اور علاقائی امور پر رابطوں کا حصہ ہے۔دفترخارجہ کے مطابق کارروائیوں سے ملک میں امن و امان کی صورتحال میں بہتری ا?ئی ہیاور خطے میں بھی امن و استحکام کو فروغ ملا،افغان سرزمین کے پاکستان کے خلاف استعمال پر اظہارتشویش ہے۔ترجمان دفتر خارجہ کے مطابق امریکی معاون وزیر خارجہ نے خطیمیں قیام امن کے لیے پاکستان سے مل کر کام کرنے کی خواہش کا اظہار کیا۔دونوں ممالک نے قیام امن کے لیے افغان قیادت میں کوششوں کی معاونت جاری رکھنے کے عزم کا اظہار کیا جبکہ سیکریٹری خارجہ نے بھارتی ا?رمی چیف کے غیر ذمہ دارانہ بیان کا معاملہ بھی اٹھایا۔