وسط مدتی انتخابات کی خبریں قیاسی: دنیش گنڈو راؤ

Source: S.O. News Service | By Jafar Sadique Nooruddin | Published on 20th April 2017, 1:07 AM | ریاستی خبریں | ان خبروں کو پڑھنا مت بھولئے |

بنگلورو:19/اپریل(ایس او نیوز)ریاستی کانگریس کے کارگذار صدر دنیش گنڈو راؤ نے ریاستی اسمبلی کے وسط مدتی انتخابات کے متعلق خبروں کو قیاس آرائیوں سے تعبیر کرتے ہوئے کہاکہ فی الوقت ریاستی کانگریس یا وزیر اعلیٰ سدرامیا کا قبل از وقت انتخابات کرانے کا کوئی منصوبہ نہیں ہے۔آنے والے اسمبلی انتخابات کا سامنا کانگریس پارٹی اجتماعی قیادت میں کرے گی، یہ حکومت عوام کے فرمان کے مطابق اپنی پانچ سالہ میعاد مکمل کرے گی اور اپریل 2018 میں ہی اگلے انتخابات کا سامنا وزیر اعلیٰ سدرامیا، کے پی سی سی صدر ڈاکٹر جی پرمیشور اور دیگر قائدین کی اجتماعی رہنمائی میں کرے گی، اور انہیں یقین ہے کہ ایک بار پھر ریاست کے اقتدار پر کانگریس کا قبضہ برقرار رہے گا۔آج کے پی سی سی دفتر میں بی جے پی لیڈر ایس ایم کرشنا کے پوتے نرنتر گنیش اور دیگر 35 ڈاکٹروں کی ٹیم کی کانگریس میں شمولیت پر ان کا خیر مقدم کرتے ہوئے انہوں نے کہاکہ وزیر اعلیٰ سدرامیا نے انتخابی منشور میں عوام سے پارٹی کی طرف سے کئے گئے وعدوں کو نبھانے کی مخلصانہ کوششیں کی ہیں اور اس میں وہ کامیاب بھی ہوئے ہیں۔ حکومت اپنی انہی کامیابیوں کو بنیاد بناکر اگلے انتخابات میں عوام سے ووٹ مانگے گی۔انہوں نے کہاکہ ایس ایم کرشنا کے کانگریس کو خیر باد کہنے اور انہی کے خاندان سے وابستہ نرنترگنیش کے کانگریس میں شامل ہونے کا کوئی تعلق نہیں ہے۔ دو سال پہلے ہی یہ شمولیت ہونی چاہئے تھی، انہوں نے کہاکہ کانگریس پارٹی میں زیادہ سے زیادہ ڈاکٹرس کام کررہے ہیں۔ ان کی ٹیم کے ساتھ آنے والے دنوں میں کانگریس انسانیت کی خدمت کو اور آگے بڑھائے گی، بابری مسجد کی شہادت کے سلسلے میں مرکزی وزیر اوما بھارتی سمیت 13 افراد کو مجرم ٹھہراتے ہوئے ان پر مقدمہ چلانے کیلئے سپریم کورٹ کی اجازت پر تبصرہ کرتے ہوئے دنیش گنڈو راؤ نے کہاکہ اوما بھارتی کو فوراً اپنی وزارت سے استعفیٰ دینا چاہئے یا وزیراعظم مودی اپنی کابینہ سے انہیں برخاست کریں۔ انہوں نے کہاکہ بابری مسجد کو اس طرح بے رحمی سے شہید نہیں کیاجانا چاہئے تھا، برسوں بعد ہی سہی عدالت عظمیٰ نے ملک میں انصاف کا پرچم بلند کیا ہے، اس مسجد پر ظلم کرنے والوں کو کیفر کردار تک پہنچانے کیلئے عدالت نے جو فیصلہ سنایا ہے وہ خوش آئند ہے۔ اس موقع پر نرنتر گنیش نے کہاکہ بی جے پی میں شمولیت کے متعلق ایس ایم کرشنا کا فیصلہ ان کا انفرادی ہے۔ انہوں نے خاندان کے کسی فرد سے اس سلسلے میں کوئی مشورہ نہیں کیا۔ اسی طرح کانگریس میں شامل ہونے کا فیصلہ انہوں نے اپنے طور پر کیا ہے۔

ایک نظر اس پر بھی

زوردار بارش کے نتیجے میں مینگلور سے بنٹوال کو جوڑنے والا مُلار پٹنہ بریج ٹوٹ گیا؛ عوام نے ریت کی غیر قانونی کان کنی کو بتایا ذمہ دار

گذشتہ کئی دنوں سے جاری زوردار بارش کے نتیجے میں  مینگلور تعلقہ کو بنٹوال سے جوڑنے والا ایک بریج آج پیر کو بالاخر ٹوٹ گیا جس کے ساتھ ہی  دونوں علاقوں کا رابطہ منقطع ہوگیا ہے۔ یہ پل مُلار پٹنہ میں  فالگونی ندی پر سے گذرتا تھا۔

نریگا منصوبہ کے تحت مرکز سے 1050 کروڑ روپئے باقی بقایاجات کی ادائیگی کیلئے مرکزی حکومت سے اپیل کی گئی ہے : کرشنا بائرے گوڈا

روزگار ضمانت اسکیم کے تحت نریگامزدوروں کو مرکزی حکومت سے 1050 کروڑ روپئے ادا ہونے باقی ہیں ۔ جلد از جلد رقم جاری کرنے کیلئے مرکز سے مطالبہ کیا گیا ہے ۔ ریاستی وزیر دیہی ترقیات و پنچایت راج کرشنا بائرے گوڈا نے یہ بات بتائی ۔

بیرونی ریاستوں کے ادویات پر نگاہ رکھی جائے ڈرگس کنٹرول آفس کے دورہ کے دوران شیوا نند ایس پاٹل کی افسروں کو ہدایت

ریاستی وزیر صحت شیوانند ایس پاٹل نے جمعہ کے دن اچانک شہر کے ڈرگس کنٹرول کے دفتر کا دورہ کرکے وہاں موجود ایچ پی ایس سی لیابریٹری، اینٹی بائیوٹک، اسٹیریلٹی ٹسٹنگ سنٹر کا جائزہ لیا ۔ اس موقع پر انہوں نے بیرونی ریاستوں سے درآمد ہونے والی دوائیوں پر کڑی نظررکھنے اور میعاد ختم ...

حج بھون کو نام رکھنے کے سلسلہ میں ابھی فیصلہ نہیں ہوا:پرمیشور

حج بھون کو ٹیپو سلطان سے منسوب کرنے کے سلسلہ میں ابھی کوئی حتمی فیصلہ نہیں کیا گیا ہے ، یہ بات ریاستی نائب وزیر اعلیٰ ڈاکٹر جی پرمیشورنے کہی ۔ شہر میں اخباری نمائندوں سے گفتگو کرتے ہوئے انہوں نے کہا کہ ٹیپوسلطان کے سلسلہ میں بی جے پی کے قائدین پہلے بھی تنازعہ کھڑا کرچکے ہیں ،

ناراض سابق وزیر اعلیٰ کا اپنے قریبی ساتھیوں کے ساتھ اجلاس سدارامیا کو کابینہ درجہ کا عہدہ دینے مخلوط حکومت کافیصلہ

ریاستی اسمبلی انتخابات کے بعد کانگریس پارٹی اکثریت سے جیت درج نہیں کرپائی تو ریاست میں مخلوط حکومت تشکیل پائی ۔ سابق وزیر اعلیٰ سدارامیا پانسالہ انتہائی مشغول ترین ایام سے فراغت حاصل کرکے میسور،باگل کوٹ اور بادامی کا دورہ کرتے ہوئے تازہ دم ہونے کے لئے قدرتی جڑی بوٹیوں کا ...

زوردار بارش کے نتیجے میں مینگلور سے بنٹوال کو جوڑنے والا مُلار پٹنہ بریج ٹوٹ گیا؛ عوام نے ریت کی غیر قانونی کان کنی کو بتایا ذمہ دار

گذشتہ کئی دنوں سے جاری زوردار بارش کے نتیجے میں  مینگلور تعلقہ کو بنٹوال سے جوڑنے والا ایک بریج آج پیر کو بالاخر ٹوٹ گیا جس کے ساتھ ہی  دونوں علاقوں کا رابطہ منقطع ہوگیا ہے۔ یہ پل مُلار پٹنہ میں  فالگونی ندی پر سے گذرتا تھا۔

داعش مقدمہ ،اریب مجید کی ضمانت عرضداشت سپریم کورٹ میں داخل، ملزم کے والد کی درخواست پر جمعیۃ علماء نے سپریم کورٹ سے رجوع کیا: گلزار اعظمی

ممنو ع تنظیم داعش کے رکن ہونے اور دہشت گردانہ سرگرمیوں میں ملوث ہونے کے الزامات کے تحت کلیان کے ساکن اریب مجید کی ضمانت عرضداشت ملزم کے والد ڈاکڑاعجاز مجید کی درخواست پر جمعیۃ علماء نے سپریم کورٹ میں داخل کی ہے جس کا ڈائری نمبر 22076/2018 ہے، یہ اطلاع آج یہاں ملزم کو قانونی امداد ...

خوشحال نگر: 9ویں جماعت کا طالب علم اسکول باتھ روم میں مردہ پایاگیا۔ گھر والوں نے لگایا قتل کا الزام

کوڈاگو ضلع کے خوشحال نگر سینک اسکول کے واش روم میں 9 ویں جماعت کا ایک طالب علم بے ہوش پایا گیا جسے اسپتال پہنچانے پر اس کے فوت ہونے کی تصدیق کی گئی۔ والدین نے اسکول پر اس طالب علم کے قتل کاالزام لگایا ہے۔

کیرالہ میں 6,000 کلو زہریلی مچھلی ضبط

کیرالہ کے شمالی پلکڈ ضلع میں ولیار سرحد چوکی پر 6,000 کلو کی مچھلی ضبط کی گئی ہے۔اسے زندہ رکھنے کے لئے زہریلی کیمیکل ’فارملین‘کا استعمال کیا گیا تھا۔