بنگلورو ،02؍ دسمبر (ایس او نیوز؍آئی این ایس انڈیا) انجمن ترقی اردو ہند شاخ گلبرگہ کے عہدہ داران مسرز امجد جاوید صدر، ڈاکٹر ماجد داغی جنرل سیکریٹری ، ڈاکٹر حشمت فاتحہ خوانی نائب صدر ، خواجہ پاشاہ ؤ انعام دار معتمد تنظیمی امور اور مسٹر ولی احمد خازن نے ڈپٹی کمشنر گلبرگہ کی وساطت سے ایر پورٹ اتھارٹی آف انڈیا کو انجمن ترقی اردو ہند شاخ گلبرگہ کی جانب سے ایک مراسلہ روانہ کیا ہے جس میں مطالبہ کیا گیا ہے کہ گلبرگہ ایرپورٹ کا نام کنڑا اور انگریزی کے ساتھ ساتھ اردو میں بھی تحریر کیا جائے ۔ انجمن کے مراسلہ میں وضاحت کی گئی ہے کہ بشمول ضلؤع گلبرگہ علاقہ حیدر آباد کرناٹک کے دیگر اضلاع رائچور، بیدر، بلاری اور یادگیر و کوپل میں بلا لحاظ مذہب و ملت اردو داں کی تعداد 50فی صد سے زیادہ ہے جب کہ اردو بولنے و سمجھنے والوں کی تعداد90فی صد کے قریب ہے۔ لہٰذا ان اعداد و شمار کو ذہن میں رکھتے ہوئے اور اردو داں طبقہ کے جذبات کا احؤترام کرتے ہوئے ایر پورٹ اتھارٹی آف انڈیا کو چاہئے کہ وہ گلبرگہ ایر پورٹ کا نام کی تختیاں کنڑا اور انگریزی کے ساتھ ساتھ اردو میں بھی تحریر کروائے ۔

واضح رہے کہ گلبرگہ ریلوے اسٹیشن کا نام بھی اردو میں ہے ۔ یہاں کے سب سے بڑے بس ڈپو کا نام بھی اردو میں تحریرکیا گیا ہے۔ عہدہ دارانانجمنترقی اردو کا کہناہے کہ انجمن ترقی اردوگلبرگہ نے اردو زبان و ادب کی ترقی کے لئے ہمیشہ نہایت مہذبانہ انداز میں حکومت اور منتخب نمائیندوں سے نمائیندگی کی ہے۔ ان کا کہنا ہے کہ اردو صرف ایک زبان ہی نہیں بلکہ ایک تہذیب بھی ہے جس کی پاس داری ہمپر واجب ہے۔نجمن ہمیشہ ہی سے اس روش پر قائم رہی ہے اور اسی سنجیدگی کے ساتھ اپنے مطالبات کی یکسوئی پر یقین رکھتی ہے۔