مودی حکومت تمام محاذوں پر ناکام: سدرامیا

Source: S.O. News Service | By Jafar Sadique Nooruddin | Published on 18th May 2017, 1:17 AM | ریاستی خبریں | ان خبروں کو پڑھنا مت بھولئے |

بنگلورو:17/مئی(ایس او نیوز) وزیر اعلیٰ سدرامیا نے مرکز میں مودی حکومت کے تین سال کی تکمیل پر تبصرہ کرتے ہوئے کہاکہ اس حکومت نے ملک کے عوام سے جو وعدے کئے تھے ان کو پورا کرنے میں بری طر ح ناکام رہی ہے۔ اخباری نمائندوں سے بات چیت کرتے ہوئے انہوں نے کہاکہ وزیر اعظم مودی خاص طور پر کرناٹک کے ساتھ ہمیشہ سے سوتیلا رویہ رکھے ہوئے ہیں۔ ریاست کے سلگتے ہوئے مسائل کو سلجھانے میں مرکزی حکومت کو ناکام قرار دیتے ہوئے انہوں نے کہاکہ مودی حکومت کے تین سال کی تکمیل پر کانگریس پارٹی نے اپنے طور پر موقف ظاہر کردیاہے، دوبارہ اس مسئلے پر ان کی طرف سے الگ موقف ضروری نہیں ہے۔ کانگریس پارٹی نے جو کچھ کہا ہے اس سے ہر کارکن کو متفق ہوناچاہئے، لیکن ریاست کے بعض امور پر وزیراعظم مودی کی طرف سے جو سوتیلا رویہ اپنایا گیا ہے وہ قابل مذمت ہے۔ پچھلے تین سال کے دوران مرکزی حکومت کو تمام محاذوں پر ناکام قرار دیتے ہوئے سدرامیا نے کہا کہ وزیراعظم نے لوگوں کو اچھے دنوں کے خواب دکھائے تھے، لیکن عوام کی بدقسمتی کہ پچھلے تین سال کے دوران ایک دن بھی اچھا نہیں گزرا۔

ایک نظر اس پر بھی

اسکولی بچوں کے سوشیل میڈیا استعمال کرنے پر پابندی،پابندی پامال کرنے والوں کو اسکول سے نکال دینے کی تاکید

ریاستی محکمۂ تعلیمات نے کمسن ذہنوں پر سوشیل میڈیا کے اثرات کو دیکھتے ہوئے سختی سے یہ فرمان جاری کیا ہے کہ 13سال کی عمر تک کے بچوں کو سوشیل میڈیا کا استعمال کرنے کی اجازت قطعاً نہ دی جائے۔

مودی حکومت کے انسداد گؤ کشی قانون کو کمار سوامی نے قرار دیا خوش آئند: گائیوں کی دیکھ بھال کیلئے مراکز قائم کرنے کا بھی مشورہ

مرکزی حکومت کی طرف سے کل ملک بھر میں لاگو کئے گئے انسداد گؤ کشی قانون کا سابق وزیراعلیٰ اور ریاستی جنتادل(ایس) صدر ایچ ڈی کمار سوامی نے خیر مقدم کیااور کہاکہ مرکزی حکومت کو چاہئے کہ اس قانون کو نافذ کرنے کے ساتھ ملک بھر میں گائیوں کی دیکھ بھال کیلئے مراکز قائم کرے۔

موسلادھار بارش کی وجہ سے شہر میں عام زندگی متاثر،نشیبی علاقے زیر آب ، دوسو سے زائد درخت اور متعدد بجلی کے کھمبے زمین بوس

شہر میں کل رات ہوئی زبردست بارش کے سبب 200 سے زائد مقامات پر درخت اور بجلی کے کھمبے اکھڑگئے اور ساتھ ہی نہ صرف نشیبی علاقے بلکہ چند مشہور ومعروف سرکاری اور دیگر عمارتوں میں بھی بارش کا پانی گھس آیا۔

منگلورومیں نئےپولس کمشنرکا تقرر رد : دیا نند، ناگراج اور راجپا میں کسی ایک کا تقرر ہونے کی توقع

منگلورو پولس کمشنر عہدے پر نئے کمشنر کے طورپر این، ستیش کمار کو تقرر کرتے ہوئے جمعرات کو جاری کئے گئے حکم نامے کو رد کئے جانےکی سرکاری ذرائع نے خبر دی ہے۔ این، ستیش کمار کو منگلورو پولس کمشنر کے عہدے پر تقرر کرنےکا آر ڈر جاری ہوتے ہی دکشن کنڑا ضلع کے کانگریس وزراء، ارکان اسمبلی ...