منگلورو 26/اگست (ایس او نیوز)پی اے کالج منگلورو کے سنٹر فارپروفیشنل اینڈ آرگنائزیشنل ڈیولپمنٹ (CPOD) کے تحت کالج کے اساتذہ کے لئے ایک روزہ فیکلٹی ڈیولپمنٹ پروگرام منعقد کیا گیا۔ جس کے عنوانات "آرگنائزنگ اینڈ لرننگ"اور"لرننگ فار ٹیچنگ"تھے۔اس موقع پر ریسورس پرسن کے طور پرمعروف اور ماہر تربیت کار جناب نظام اے پی (منیجنگ ڈائریکٹر ابیلیان سولوشنس پرائیویٹ لمیٹیڈ)نے شرکت کی۔اس پروگرام کا افتتاح جناب عبداللہ شریف (پرنسپال پی اے سی ای)نے کیا اور کہا کہ تعلیم و تدریس سے وابستہ شخصیات کو ہمیشہ اپنا مطالعہ اور سیکھنے کا سلسلہ جاری رکھنا چاہیے۔کالج کے وائس پرنسپال جناب ڈاکٹر رمیز اے کے نے بھی خطاب کیا۔
ایم بی اے ڈپارٹمنٹ کے پروفیسرحبیب نے استقبالیہ خطاب کیا۔پروفیسرسرفراز ہاشم نے دن بھر کے پروگرام کا خلاصہ پیش کیا۔ پروفیسر شیتل کمارنے نظامت انجام دی اورپروفیسر راشل سرکار نے ہدیہ تشکر پیش کیا۔