کِم کی ہلاکت کی تحقیقات غیرجانب دارانہ ہیں: ملائیشیا
بیجنگ،21؍فروری(ایس او نیوزآئی این ایس انڈیا)ملائیشیا کے ایک سفارت کار کا کہنا ہے کہ شمالی کوریا کے رہنما کم جونگ اُن کے سوتیلے بھائی کم جونگ نم کی کوالالمپور میں ہلاکت سے متعلق تحقیقات غیرجانب دارانہ ہیں۔ شمالی کوریا کے لیے ملائیشین سفیر نے چینی دارالحکومت بیجنگ میں صحافیوں سے بات چیت میں شمالی کوریا کے ان الزامات کو مسترد کر دیا، جن میں پیونگ یانگ نے ان تحقیقات کو غیرشفاف قرار دیا تھا۔ یہ بات اہم ہے کہ کوالالمپور کے ہوائی اڈے پر کم جونگ نم کودانستہ طور پر زہر دیا گیا تھا۔ اس حوالے سے ملائیشیا میں چار افراد کو حراست میں لے لیا گیا۔ زیرحراست افراد شمالی کوریا، ملائیشیا، انڈونیشیا اور ویتنام کے سفری دستاویزات کے حامل ہیں۔