حکومت کی تشکیل کے لیے مزید وقت درکار ہے:سعد حریری

Source: S.O. News Service | By Shahid Mukhtesar | Published on 16th August 2018, 11:15 AM | عالمی خبریں |

بیروت ،16اگست (ایس او نیوز؍آئی این ایس انڈیا)لبنان میں نامزد وزیراعظم سعد حریری کا کہنا ہے کہ لبنانی سیاسی جماعتوں کو اتحادی حکومت تشکیل دینے کے لیے کچھ مزید وقت درکار ہو سکتا ہے۔

واضح رہے کہ لبنان میں عام انتخابات کے انعقاد کو 3 ماہ سے زیادہ کا وقت گزر چکا ہے۔

منگل کے روز بیروت میں اپنی جماعت "المستقبل" گروپ کے پارلیمانی ارکان کے ساتھ اجلاس سے قبل صحافیوں سے گفتگو کرتے ہوئے حریری کا کہنا تھا کہ "شاید حتمی فارمولے تک پہنچنے کے لیے ہمیں اب بھی تھوڑا وقت درکار ہو"۔

لبنانی سیاست دان بارہا یہ کہہ چکے ہیں کہ ان کے ملک کو جلد از جلد حکومت تشکیل دینے کی ضرورت ہے تاہم وہ ابھی تک وزارتی منصبوں پر مقابلے بازی میں مصروف ہیں۔

یاد رہے کہ 6 مئی کو ہونے والے انتخابات میں حزب اللہ اور اس کے حلیفوں کو پارلیمنٹ میں اکثریت حاصل ہو گئی۔

دوسری جانب سنی، شیعہ، مسیحی اور دُروز حلقے وزارتی قلم دانوں کی دوڑ میں لگے ہوئے ہیں۔

حکومت کی تشکیل میں تاخیر کے نتیجے میں مقابلے کے فریقوں کے درمیان الزامات کا تبادلہ شروع ہو گیا ہے۔

سعد حریری کے مطابق "ہم ایک ایسی ریاست ہیں جو اقتصادی مسائل اور علاقائی بحرانات میں گھری ہوئی ہے۔ ہمیں چاہیے کہ جتنی جلدی ممکن ہو حکومت تشکیل دے لیں۔ یہ ایک جامع قومی وفاقی حکومت ہونا چاہیے جس میں سب شریک ہوں"۔

آئی ایم ایف پہلے ہی یہ باور کرا چکا ہے کہ لبنان کو مالیاتی پالیسی میں ہنگامی اور مرکزی نوعیت کی ترامیم کی ضرورت ہے تا کہ وہ اپنے حکومتی قرضوں کی ادائیگی کر سکے۔

لبنان میں حکومتی قرضوں کا حجم مقامی مجموعی پیداوار کے 150% کے قریب ہے۔

ایک نظر اس پر بھی

بھارت۔ تائیوان ایس ایم ای ترقیاتی فورم تائیپی میں شروع 

vایم ایس ایم ای کے سکریٹری ڈاکٹر ارون کمار پانڈا 13 سے 17 نومبر 2018 تک چلنے والے بھارت 150 تائیوان ایس ایم ای ترقیاتی فورم کے اجلاس میں بھارتی وفد کی قیادت کررہے ہیں۔ فورم میں کل اپنے افتتاحی کلمات میں ڈاکٹر پانڈا نے کہا کہ بھارت میں ایم ایس ایم ای کی پوزیشن کلیدی اہمیت کی حامل ہے

شمالی کوریا کا میزائل پروگرام جاری ہے، رپورٹ

ایک امریکی ریسرچ آرگنائزیشن نے کہا ہے کہ اس نے شمالی کوریا کے میزائلوں سے متعلق ایسے 13 مقامات کا پتا لگایا ہے جن کا اعلان نہیں کیا گیا ہے۔ یہ اس بات کی تازہ ترین علامت ہے کہ شمالی کوریا کو اس کے جوہری ہتھیاروں سے دستبردار کرانے کی امریکی کوشش تعطل کا شکار ہو گئی ہے۔

غیر ملکی طلبہ کی امریکہ میں دلچسپی کیوں گھٹ رہی ہے؟

غیر ملکی طالب علموں کی آمد سے امریکی معیشت کو ہر سال42 ارب ڈالر کا فائدہ ہوتا ہے اور روزگار کی منڈی میں ساڑھے چار لاکھ ملازمتیں پیدا ہوتی ہیں۔ غیر ملکی طالب علم امریکی معیشت کے لئے بے بڑی اہمیت رکھتے ہیں۔

ہندوستان ڈیجیٹل فروغ اورترقی کے دورسے گذررہاہے ، سنگاپورمیں جاری فنٹیک فیسٹول میں وزیراعظم کاخطاب

وزیراعظم نے سنگاپورمیں جاری فنٹیک فیسٹول میں خطاب کرتے ہوئے کہاہے کہ یہ ہندوستان پر چھاجانے والے مالیاتی انقلاب اور ہندوستان کے 1.3 ارب عوام کی زندگی میں بہتر تبدیلیوں کا اعتراف ہے۔ہندوستان اور سنگاپور ہندوستانی اور آسیان ملکوں کے چھوٹے اور اوسط درجے کے کاروباری اداروں کوایک ...

سنگاپور کے وزیراعظم لی سین لونگ سے وزیراعظم نریندر مودی کی ملاقات

وزیر اعظم نریندر مودی نے بدھ کو سنگاپور کے وزیراعظم لی سین لونگ سے ملاقات کی۔ دونوں رہنماؤں نے مالیاتی ٹیکنالوجی میں تال میل اور علاقائی اقتصادی اتحاد سمیت کئی مسائل پر بات چیت کی۔ مودی نے فنٹیس فیسٹیول سے خطاب کر کے بدھ کو دو روزہ سنگاپوردورہ کا آغاز کیا ۔یہ فیسٹیول مالیاتی ...