کاروار: سداشیوگڑھ میں کامیاب انسانی زنجیر کی تشکیل :ہندو، مسلم ،عیسائی طبقے کے سینکڑوں لوگوں کی شرکت
کاروار(سداشیوگڑھ) :یکم فروری (ایس اؤنیوز)اترکنڑا ضلع کے سرحدی گاؤں سداشیو گڑھ کے شیواجی چوک پر 30جنوری کو شہر کے سنجیدہ شہری ، اسکولی بچوں پر مشتمل انسانی زنجیرتشکیل دے کر بھائی چارگی اور یک جہتی کا کامیاب پروگرام منعقد کیا گیا ۔
انسانی زنجیر پروگرام میں شریک تمام حاضرین کو ابتداء میں شری گنیش بشٹھنور نےبھائی چارگی اور مساوات پر مبنی حلف کی خواندگی کرائی ۔آزاد سرکل پر مختلف طبقے کے لوگ جمع ہوئے وہاں سے شری دھر نایک کی قیادت اور استاد محمد رفیق کے تعاون سے سینکڑوں لوگوں نے انسانی زنجیر کی تشکیل کی۔ پروگرام میں ہندو ، مسلم ، عیسائی طبقے کے ششی کانت رانے ، چاپگاؤنکار، ایم اے پٹھان، شریمتی لکشمی وسنت باندیکر، مینا گڈکر، لوکیش پاؤسکر، پرشانت باندیکر، شریمتی گریسی ، شریمتی جویلی سمیت سینکڑوں لوگ موجود تھے۔