بچوں کو چھوٹی عمر میں ہی اپنی صلاحتیں ظاہر کرنے کا موقع ملنا چاہیے:سینئر سول جج
کاروار 18؍اپریل (ایس او نیوز)کاروار میں چھوٹے بچوں کے لئے پرسنالٹی ڈیولپمنٹ (شخصیت سازی) کے ایک کیمپ سے خطاب کرتے ہوئے سینئر سول جج شیو کمار بی نے کہا کہ بچوں کو چھوٹی عمر میں ہی اپنی صلاحتیں ظاہر کرنے کا موقع ملنا چاہیے۔ اور ایسے مواقع فراہم کرنے کی ذمہ داری سماج اور والدین کی ہوتی ہے۔
انہوں نے کہا کہ بچوں کی نشو ونما کے لئے سازگار اور بہترین ماحول فراہم ہونا چاہیے۔اگر چھوٹے بچے کسی قسم کی غلطی کرتے ہیں تو اصل میں اس کے لئے ان کے والدین ہی ذمہ دار ہوتے ہیں۔بچوں کو اپنی فطری صلاحیتیں دکھانے کا موقع ملنے کی دیر ہوتی ہے اور جب وہ تعلیم کے ساتھ اپنی صلاحیتوں کا مظاہرہ کرتے ہیں تودیکھنے لائق ہوتا ہے۔