بیلگام میں فیس بک پر رکن اسمبلی کی بیٹی کو پیغام روانہ کرنے کا الزام؛ ماں اور بیٹے پر بے رحمی سے حملہ

Source: S.O. News Service | By Shahid Mukhtesar | Published on 10th January 2017, 11:51 AM | ریاستی خبریں | ان خبروں کو پڑھنا مت بھولئے |

بنگلورو،9؍جنوری(ایس او نیوز) بلگاوی ضلع کے ایک بی جے پی رکن اسمبلی اور ان کے حامیوں کی طرف سے رکن اسمبلی کی لڑکی کو فیس بک کے ذریعہ پیغام بھیجنے کے الزام میں ایک لڑکے اور اس کی ماں کی بے رحمی سے پٹائی کی گئی ہے۔ اگار کھردا علاقہ کے ساکن وویک شٹی اور اس کی ماں اوجولا شٹی پر قاتلانہ حملہ کیاگیا اور یہ دونوں میراج کے اسپتال میں زیر علاج ہیں۔ بتایا جاتاہے کہ یکم جنوری کو کاگواڑ کے رکن اسمبلی راجو گاگے ، ان کے بھائی اور ساتھیوں نے مہلک ہتھیار لے کر اس نوجوان پر حملہ کردیا۔ ماں نے جب بیٹے کو بچانے کی کوشش کی تو اس کو بھی بری طرح پیٹ دیا گیا۔ رکن اسمبلی اور ان کے ساتھیوں کی زیادتی کے مناظر سی سی ٹی وی کیمروں میں قید کرلئے گئے ہیں۔زخمی وویک شٹی نے بتایاکہ اسے جان سے مارنے کی دھمکی دی گئی ہے، جس کی وجہ سے اب تک اس نے پولیس میں اس واقعہ کی شکایت درج نہیں کرائی ہے۔ اس دوران راجو کاگے نے اس طرح کے حملے کی تردید کی ہے، اور کہاکہ اس لڑکے یا اس کی ماں کے بارے میں وہ کچھ نہیں جانتے اور نہ ہی اپنی دختر کے فیس بک کے بارے میں انہیں کچھ پتہ ہے۔وویک نے کہاکہ راجو کاگے اور ان کے حامیوں نے سیاسی رقابت کے نتیجہ میں اسے نشانہ بنایا ہے۔ وہ یوتھ کانگریس میں مقامی کارکن ہیں۔ اس کی مقبولیت کو برداشت نہ کرتے ہوئے جھوٹے بہانے بناکر اس پر حملہ کیا گیا۔اس نے بتایاکہ اس پر حملے کیلئے رکن اسمبلی نے اپنی انووا کار استعمال کی۔ میڈیا میں یہ تفصیلات منظر عام پر آنے کے بعد مقامی پولیس نے وویک شٹی سے ملاقات کی اور اس کا بیان لینا چاہا۔

ایک نظر اس پر بھی

رندیپ سنگھ سرجے والا نے مودی حکومت پر کیا تیکھا وار، کہا ، مرکزی حکومت بلاری کے لٹیروں کو بچانے میں سرگرم

مرکز کی مودی حکومت نے کرناٹک میں دن دھاڑے خام لوہے کی لوٹ مچانے والے بلاری مافیا کو بچانے کے لئے سی بی آئی کا غلط استعمال کیا ہے، یہ الزام آج اے آئی سی سی کے ترجمان رندیپ سنگھ سرجے والا نے لگایا۔

راہول گاندھی کل جمعرات کو پہنچ رہے ہیں بھٹکل ؛ جمعہ کو  جائیں گے مینگلور

  مئی 12 کو ہونے والے کرناٹکا اسمبلی انتخابات میں کانگریس کے حق میں پرچار کرنے کل  26اپریل کو اے آئی سی سی صدر راہول گاندھی بھٹکل پہنچ رہے ہیں، جس کے لئے بھٹکل وینکٹاپور میدان میں تیاریاں زوروں سے جاری ہیں۔

بھٹکل انجمن انسٹی ٹیوٹ آف ٹکنالوجی اینڈ مینجمنٹ کے شعبہ ایم بی اے میں طلبا کے شاندار نتائج

انجمن انسٹی ٹیوٹ آف ٹکنالوجی اینڈ مینجمنٹ بھٹکل کے شعبہ ایم بی اے کے فسٹ اور تھرڈ سمسٹر کے نتائج میں کالج طلبا نے بہترین کارکردگی کا مظاہرہ کرتے ہوئے کالج اور شہر کا نام روشن کیاہے۔