ضمنی انتخابات کے نتائج سے خوش کانگریس ۔جے ڈی ایس نے کہا، مل کر لڑیں گے 2019 لوک سبھا انتخابات
بنگلورو،06؍ نومبر (ایس او نیوز؍آئی این ایس انڈیا) ضمنی انتخابات میں جیت سے خوش کرناٹک کے وزیر اعلی ایچ ڈی کمارسوامی اور کانگریس کے ریاستی صدر دنیش گنڈو راؤ نے کہا کہ وہ بی جے پی کے خلاف 2019 لوک سبھا انتخابات ایک ساتھ مل کر لڑیں گے۔دونوں رہنماؤں نے انتخابی کامیابی کا کریڈٹ کانگریس ۔جے ڈی ایس اتحاد کی پالیسیوں کو دیا۔اتحاد نے ہفتہ کو ہوئے ضمنی انتخابات میں دو لوک سبھا سیٹوں اور دو اسمبلی سیٹوں پر قبضہ کیا۔
کمار سوامی نے جنتا دل (ایس) اور کانگریس کی اتحادی حکومت کو حمایت دینے پر عوام کا شکریہ ادا کیا اور کہا کہ دونوں پارٹیاں آئندہ لوک سبھا انتخابات میں ریاست کی تمام 28 سیٹوں پر مل کر الیکشن لڑیں گی۔ ہم 2019 کا لوک سبھا چناؤ ایک ساتھ مل کر لڑیں گے۔جیسا کہ ہم نے اس بار کیا ہم ایک ساتھ بیٹھ کر لوک سبھا الیکشن لڑنے کی حکمت عملی بنائیں گے۔ہم نے عوام کی بھلائی کے لئے کئی اقدامات کئے جو نافذ ہونے کے مرحلے میں ہیں۔ابھی تک انکوفائدہ نہیں پہنچا ہے۔انہوں نے کہا کہ حالانکہ لوگوں کو ہماری پالیسیاں پسند آئی ہیں چاہے وہ فصل قرض معافی ہو یا سڑک پر ریہڑی لگانے والوں کی مالی مدد ہو۔انہوں نے کہاکہ عوام بی جے پی، اس کے تقسیم کی سیاست اور آمریت والے رجحان کو مسترد کیا ہے۔ہم 2019 انتخابات مل کر لڑیں گے۔
دنیش گنڈو راؤنے بی جے پی پر ایک ذمہ دار اپوزیشن کے طور پر اپنے فرائض کو بھولنے کا الزام لگایا۔ راؤ نے کہاکہ اقتدار کی لالچی بی جے پی نے اپوزیشن پارٹی کے طور پر اپنی ذمہ داری نہیں ادا کیا۔انہوں نے اخلاقیات کو نظر انداز کیا جس کی وجہ سے انہیں چار جگہوں پر شکست کا سامنا کرنا پڑا جبکہ شموگا میں ان کی جیت کا فرق بہت کم ہو گیا۔ رام نگر اسمبلی سیٹ سے الیکشن جیتنے والی انیتا کمارسوامی نے جیت کا کریڈٹ اپنے وزیر اعلی شوہر کمارسوامی ، اپنے سسر اور سابق وزیر اعظم ایچ ڈی دیوگوڑا اور کانگریسی لیڈروں کی مسلسل کاوشوں کو دیا۔