کرناٹک کو سیلاب متاثرین کی مدد کے لئے تین ہزار کروڑ کا مطالبہ

Source: S.O. News Service | By Shahid Mukhtesar | Published on 28th August 2018, 11:06 PM | ریاستی خبریں |

بنگلورو،28؍اگست(ایس او نیوز) ریاست میں سیلاب اور طوفانی بارش سے متاثرہ کورگ ، ملناڈ اور ساحلی کرناٹک کے علاقوں میں راحت کاری کے کاموں کو آگے بڑھانے کے لئے مرکزی حکومت کی مدد طلب کرنے کے لئے وزیر اعلیٰ ایچ ڈی کمارسوامی 30 اگست کو دہلی روانہ ہورہے ہیں۔

ریاستی حکومت کی طرف سے پہلے ہی بتایا گیا ہے کہ کورگ ، شمالی کینرا ، شیموگہ ، میسور ، چکمگلور ، اور آس پاس کے علاقوں میں موسلادھار بارش کی وجہ سے کرناٹک کو تین ہزار کروڑ روپیوں کانقصان ہواہے ، اسی لئے فوری طور پر راحت کاری کے لئے مرکزی حکومت فوری طورپر جاری کرے۔ بتایاجاتاہے کہ وزیر اعلیٰ ایچ ڈی کمارسوامی اس سلسلے میں کل وزیر اعظم نریندر مودی سے بھی ملاقات کریں گے۔ اس ملاقات کے دوران کمار سوامی مطالبہ کریں گے کہ ریاست کے سیلاب اور بارش سے متاثرہ علاقوں میں فوری باز آباد کاری کے لئے درکار تین ہزار کروڑ روپے جاری کئے جائیں۔

بتایا جاتا ہے کہ ریاست کے سیلاب سے متاثرہ تمام اضلاع کے ڈپٹی کمشنروں سے تباہی کی مکمل رپورٹ طلب کرلی گئی ہے، اس رپورٹ کی بنیاد پر صوبائی خسارے کا تخمینہ لگایا گیا ہے، خاص طور پر کورگ میں جو تباہی بارش کی وجہ سے مچی ہے یہاں جانی نقصان کے علاوہ عوامی ونجی املاک کو جس طرح کا نقصان پہنچا ہے اسے دیکھتے ہوئے یہ ضرورت محسوس کی جارہی ہے کہ پورے ضلع کی باز آباد کاری ہونی چاہئے۔ان تمام حقائق سے وزیراعظم کو آگاہ کرواکر ان سے گز ارش کی جائے گی کہ بلاتاخیر کرناٹک کو تین ہزار کروڑ روپے بطور امداد جاری کئے جائیں۔ 

ایک نظر اس پر بھی

شہید جوان گرو کو جلد معاوضہ ادا کرنے وزیر اعلیٰ ایچ ڈی کمار سوامی کی ہدایت ٹاؤن ہال کے روبرو ہزاروں لوگوں نے شہید جوانوں کو خراج عقیدت پیش کیا

جنوبی کشمیر کے ضلع پلوامہ کے لیتہ پور ہ میں کل ہوئے ہلاکت خیز خودکش آئی ای ڈی دھماکے کی وزیر اعلیٰ ایچ ڈی کمار سوامی نے آج پرزور مذمت کی ہے ۔ اس دہشت گردانہ حملہ میں شہید ہونے والے منڈیا ضلع کے ایچ گرو کے اہل خانہ سے انہوں نے تعزیت کی ہے ۔

پلوامہ میں ہوئے دہشت گرد حملے میں ہلاک ہوئے منڈیا ضلع کے شہید فوجی کی بیوی صدمہ سے دوچار اب بات کرنا چاہوں تو کس سے کروں: کلاوتی

جمعرات کو پلوامہ میں ہوئے دہشت گرد حملے میں ہلاک ہوئے منڈیا ضلع کے بہادر فوجی جوان ایچ گرو پانچ دن پہلے ہی اپنی چھٹی ختم کرکے کام پر لوٹے تھے ۔ 10مہینے پہلے انہوں نے گڈی گیری کالونی کی کلاوتی سے شادی کی تھی۔

ای بسیں: بی ایم ٹی سی کو80؍کروڑ سے ہاتھ دھوناپڑسکتا ہے 28؍فروری تک کاوقت ۔سبسیڈی کی رقم مرکز کو لوٹانی پڑے گی۔ لیزپر لینے یا خریدنے پر فیصلہ کرنے میں تاخیر

بنگلورو میٹرو پالیٹن ٹرانسپورٹ کارپوریشن( بی ایم ٹی سی) نے28؍فروری تک مرکز سے الیکٹرک بسیں حاصل نہیں کیں تو اسے 80 کروڑ روپئے کی سبسیڈی سے ہاتھ دھونا پڑے گا۔80ای بسوں کو شامل کرنے کا معاملہ تاخیر کا شکار ہوگیاہے۔

دس ہزار کروڑ روپئے کا بی بی ایم پی بجٹ تیار؟

بنگلور شہر اور بی بی ایم پی کی تاریخ میں پہلی مرتبہ امید کی جا رہی ہے کہ اس سال کا بی بی ایم پی بجٹ دس ہزار کروڑ روپئے کی حد کو پار کرنے والا ہے۔بجٹ میں موجود بعض منصوبوں کو دیکھتے ہوئے یہ کہنا علط نہیں ہوگا کہ شہر کے بلدی ادارہ کا بجٹ آئندہ کچھ ماہ میں منعقد ہونے والے لوک سبھا ...

11/26کے ممبئی دہشت گردانہ حملے میں مارے گئے کمانڈو سندیپ انی کرشنن کے والد نے پلوامہ دہشہ گردانہ حملے کی مذمت

11/26کے ممبئی دہشت گردانہ حملے میں مارے گئے این ایس جی کمانڈو سندیپ انی کرشنن کے والد نے پلوامہ دہشہ گردانہ حملے کی مذمت کرتے ہوئے کہاہے کہ ہندوستان کو دہشت گردانہ حملوں پر روک لگانے کے لئے کھوکھلی بحث ومباحثوں کی بجائے ٹھوس قدم اٹھانے چاہئیں۔