مشہور اطالوی سائیکلسٹ سکارپونی ٹریفک حادثے میں ہلاک
سکارپونی23اپریل(ایس او نیوز/آئی این ایس انڈیا)عالمی شہرت کے حامل اطالوی سائیکلسٹ میکیلی سکارپونی (Michele Scarponi) ایک ٹریفک حادثے میں ہلاک ہو گئے ہیں۔ وہ اپنے گھر کے قریب ٹریننگ کر رہے تھے کہ ان کی سائیکل ایک وین سے ٹکرا گئی۔ سکارپونی کی ٹیم استانہ کی طرف سے جاری کردہ بیان میں کہا گیا کہ وہ ایک عظیم چیمیئن اور ایسے انسان سے محروم ہو گئے ہیں، جو ہر وقت مسکراتا رہتا تھا۔ اُن کی عمر سینتیس برس تھی۔ انہوں نے سائیکل ریسنگ میں اپناکیریئرسن 2002میں شروع کیا تھا۔ اس دوران کئی کامیابیوں کے علاوہ سن 2006 میں ڈوپنگ ٹیسٹ مثبت آنے پر انہیں اٹھارہ ماہ کے لیے معطل کر دیا گیا تھا۔