مغربی کنارے میں مشتبہ فلسطینی عسکریت پسند ہلاک، اسرائیلی فورسز
مقبوضہ یروشلم،16جولائی(ایس او نیوز؍آئی این ایس انڈیا) اسرائیلی فورسز نے مقبوضہ مغربی کنارے میں ایک مشتبہ فلسطینی عسکریت پسند کو گولی مار کر ہلاک کر دیا۔ اسرائیلی فوج کے مطابق اس فلسطینی کی جانب سے سکیورٹی فورسز پر فائرنگ کی گئی۔ پولیس کا کہنا ہے کہ اس مشتبہ عسکریت پسند نے ہفتے کے روز دو مرتبہ فوجیوں اور پولیس اہلکاروں پر فائرنگ کی، جس کے بعد اس کے خلاف کارروائی کی گئی۔ پولیس کے بیان کے مطابق اس عسکریت پسند کو گھیرے میں لے کر گرفتاری کی کوشش کی جا رہی تھی، جس پر اس کی جانب سے فائرنگ کا سلسلہ شروع ہوا۔ اس واقعے پر فلسطینی حکام کی جانب سے کوئی تبصرہ سامنے نہیں آیا ہے۔