ایرانی اسکولوں میں انگریزی پڑھانے پر پابندی ، مغربی میڈیا کا ملا پروپیگنڈہ کا ایشو 

Source: S.O. News Service | By Shahid Mukhtesar | Published on 8th January 2018, 11:50 PM | عالمی خبریں |

اسلام آباد 8جنوری (ایس او نیوز؍ آئی این ایس انڈیا ) ایران میں حکومت نے نجی اور سرکاری پرائمری اسکولوں میں انگریزی زبان کی تدریس پر پابندی عائد کردی ہے۔ایران کی ہائی ایجوکیشن کونسل کے سربراہ مہدی نوید ادھم نے سرکاری ٹی وی سے گفتگو کرتے ہوئے پابندی کی تصدیق کی ہے۔مہدی نوید نے کہا ہے کہ سرکاری اور نجی پرائمری اسکولوں کے نصاب میں انگریزی کا مضمون ایرانی قوانین اور قواعد کی خلاف ورزی ہے۔انہوں نے کہا کہ پرائمری تعلیم کے دوران طلبہ کو ایرانی ثقافت سے روشناس کرایا جاتا ہے اور غیر ملکی زبان کی تدریس اس مقصد کے حصول میں حائل ہوتی ہے۔ایران کے قدامت پسند مذہبی حلقے ماضی میں اسکولوں میں انگریزی کی تعلیم کی مخالفت کرتے رہے ہیں اور ان کا موقف ہے کہ ابتدائی عمر میں انگریزی کی تدریس سے مغرب کی تہذیبی یلغار کے دروازے کھل جاتے ہیں۔ایران کے رہبرِ اعلیٰ آیت آللہ علی خامنہ ای بھی ماضی میں اسکولوں میں انگریزی کی تدریس پر خدشات کا اظہار کرچکے ہیں۔دو سال قبل اساتذہ کی ایک تقریب سے خطاب کرتے ہوئے خامنہ ای نے کہا تھا کہ وہ کسی غیر ملکی زبان کی تدریس کے خلاف نہیں لیکن غیر ملکی زبانیں پڑھانے سے ایران میں اور بچوں اور نوجوانوں میں غیر ملکی ثقافت کو ترویج ملتی ہے۔ایران میں انگریزی زبان کی تدریس عموماً مڈل اسکولوں میں ہوتی ہے جہاں پڑھنے والوں بچوں کی عمر 12 سے 14 سال کے درمیان ہوتی ہے۔لیکن بعض پرائمری اسکولوں میں بھی انگریزی بطور مضمون پڑھایا جارہا ہے جب کہ متمول گھرانوں کے بچے کم عمری میں ہی انگریزی سیکھنے کے لیے نجی اداروں کا رخ کرتے ہیں۔ایرانی حکومت نے یہ اعلان ایسے وقت کیا ہے جب گزشتہ ہفتے ہی اس کے خلاف ملک بھر میں شدید مظاہرے ہوئے تھے جو کئی مقامات پر پرتشدد کی صورت اختیار کرگئے تھے۔ایک ہفتے سے زائد جاری رہنے والے ان ملک گیر مظاہروں میں سکیورٹی اہلکاروں کے ساتھ جھڑپوں میں کم از کم 22 افراد ہوئے تھے جب کہ ایک ہزار سے زائد افراد کو گرفتار کیا گیا تھا۔ایران کی فوج ’پاسدارانِ انقلاب‘ نے الزام عائد کیا ہے کہ ان مظاہروں کے پیچھے غیر ملکی طاقتوں اور ایران کے دشمنوں کا ہاتھ تھا۔

ایک نظر اس پر بھی

انجلینا جولی کی عید پرعراق کے شہر موصل کے پناہ گزینوں سے ملاقات

اقوام متحدہ کی پناہ گزین کی خصوصی ایلچی انجلینا جولی نے عراق میں دہشت گردی سے سب سے متاثرہ علاقے موصل کا دورہ کیا اور عالمی برادری سے تباہ حال شہر کے بے گھر رہائشیوں کی دوبارہ اپنے گھروں میں آبادکاری کے لیے مدد کی اپیل کی ہے۔

ننگر ہار: طالبان پر خودکش حملے میں ہلاکتوں کی تعداد 36 ہو گئی

صوبہ ننگرہار میں کے محکمہ صحت کے ڈائریکٹر نجیب اللہ کماوال کے حوالے سے کہا ہے کہ ہفتہ کو ہونے والے اس حملے میں 65 افراد زخمی بھی ہوئے۔افغان حکام نے کہا ہے کہ جنگ بندی کے دوران مشرقی صوبہ ننگرہار میں افغان جنگجوؤں کے ایک اجتماع پر خودکش حملے میں ہلاکتوں کی تعداد 36 ہو گئی ہے۔

جاپان میں.1 6 شدت کا زلزلہ، تین افراد ہلاک

اوساکا اور اس کے گرد و نواح کا شمار جاپان کے اہم ترین صنعتی مراکز میں ہوتا ہے اور زلزلے کے بعد علاقے میں واقع بیشتر کارخانوں میں کام بند کردیا گیا ہے۔جاپان کے دوسرے بڑے شہر اوساکا میں آنے والے 6.1شدت کے زلزلے سے اب تک تین افراد کے ہلاک ہونے کی تصدیق ہوگئی ہے۔

نیو جرسی: آرٹ فیسٹول میں فائرنگ، حملہ آور ہلاک

امریکہ کی ریاست نیو جرسی میں ایک آرٹ فیسٹول کے دوران فائرنگ سے 22 افراد زخمی ہوگئے ہیں جب کہ ایک مبینہ حملہ آور مارا گیا ہے۔حکام کے مطابق واقعہ اتوار کو نیوجرسی کے شہر ٹرینٹن میں پیش آیا جہاں رات بھر جاری رہنے والے آرٹ فیسٹول کے دوران دو متحارب گروہ آپس میں لڑ پڑے۔

افغان طالبان کا جنگ بندی میں توسیع سے انکار

افغان طالبان نے کہا ہے کہ افغان سکیورٹی فورسز سے تین روزہ جنگ بندی کے خاتمے کے بعد اس میں مزید توسیع نہیں کی جائے گی۔فرانسیسی خبر رساں ادارے ’اے ایف پی‘ نے طالبان کے ترجمان ذبیع اللہ مجاہد کے حوالے سے کہا ہے کہ جنگ بندی 17 جون کی رات ختم ہو رہی ہے جس کے بعد طالبان کی کارروائیاں ...

ترک فوج کی عراق میں بمباری، 35 کرد جنگجو ہلاک

ترکی کی مسلح فوج نے ایک بیان میں دعویٰ کیا ہے کہ عراق کے شمالی علاقے جبل قندیل میں کرد علاحدگی پسند گروپ کردستان ورکرز پارٹی "PKK" کے ٹھکانوں پر بمباری کے نتیجے میں کم سے کم 35 کرد باغی ہلاک ہو گئے ہیں۔