سعودیہ پر حملوں کے لیے حوثیوں کی مدد کررہے ہیں;یمنی باغی ہماری جنگ لڑ رہے ہیں: ایرانی عہدیدار

Source: S.O. News Service | Published on 21st April 2017, 6:11 PM | عالمی خبریں |

تہران،21اپریل(ایس او نیوز/آئی این ایس انڈیا)ایران کے ایک سرکردہ مذہبی رہ نما اور سپریم لیڈر آیت اللہ علی خامنہ ای کے مقرب مہدی طائب نے اعتراف کیا ہے کہ یمن کے حوثی باغیوں کی مسلح مدد کا مقصد سعودی عرب پر حملے کرنا ہے۔ ان کا کہنا ہے کہ ایران حوثی باغیوں کو اس لیے ہر ممکن مدد فراہم کررہا ہے تاکہ سعودی عرب کو سبق سکھایا جاسکے۔ ایران میں پریشر گروپ کے طور پر کام کرنے والے ’عماریون‘ نامی تھینک ٹینک کے سربراہ اور متشدد مذہبی لیڈر مہدی طائب کی ایک ویڈیو فوٹیج انٹرنیٹ پر سامنے آئی ہے۔ اس فوٹیج میں انہیں سعودی عرب کے خلاف زہر اگلتے دیکھا جاسکتا ہے۔
خیال رہے کہ یہ پہلا موقع نہیں جب کسی ایرانی عہدیدارنے سعودی عرب کے خلاف زہر افشانی کی ہے۔ ایرانی عہدیداروں کا ہر دوسرا بیان سعودی عرب کے خلاف ہی ہوتا ہے۔ وہ جب بھی یمن کے حوثیوں سے متعلق کوئی بات کرتے ہیں یا حوثیوں کی مدد کی بات آتی ہیتووہ یہ ثابت کرنے کی کوشش کرتے ہیں کہ حوثیوں کی مدد درآصل سعودی عرب کی یمن میں مداخلت کو روکنا ہے۔مہدی طائب کا یہ بیان ایرانی شدت پسندوں کی قریب سمجھی جانے والی ویب سائیٹ ’75‘ پر بھی نشرکیا گیا۔ اس بیان میں انہوں نے کھلے الفاظ میں کہا ہے کہ ایران پاسداران انقلاب کے ذریعے حوثیوں کو میزائل اور دوسرے ہتھیار مہیا کررہا ہے۔ ایرانی بحریہ بھی حوثیوں کی بھرپور مدد کررہی ہے۔
سپریم لیڈر کے مقرب مہدی طائب نے صدر حسن روحانی پر کڑی تنقید کی ہے اور کہا ہیروحانی حوثیوں کو اسلحہ کی سپلائی میں رکاوٹیں کھڑی کررہے ہیں۔ مہدی طائب کا کہنا ہے کہ ہم حوثیوں کو ٹرکوں کے ذریعے اسلحہ پہنچا رہے ہیں۔ حال ہی میں امریکا نے واضح کیا تھا کہ اگر ایران کی طرف سے حوثی باغیوں کو ٹرکوں کے ذریعے اسلحہ کی فراہمی کا سلسلہ جاری رہتا ہے تو وہ ایران کے متنازع جوہری پرگرام پر معاہدے سے متعلق مذاکرات روک دیں گے۔مہدی طائب نے کہا کہ ایران کی طرف سے حوثی باغیوں کو زمین سے زمین پر مار کرنے والے میزائلوں کی فراہمی کے باعث تہران کے جوہری پروگرام پر بات چیت تین بار متاثر ہوچکی ہے۔
ایران کے سرکاری ذرائع ابلاغ اور حکومتی شخصیات بھی تسلیم کرچکی ہیں کہ تہران یمن کے حوثی باغیوں کو میزائل فراہم کررہا ہے۔یہ میزائل یمن کے اندر نہیں بلکہ سعودی عرب کے خلاف حملوں میں استعمال ہو رہے ہیں۔ ان میزائلوں سے سعودی عرب کے اندر فوجی اور شہری تنصیبات کو نشانہ بنانے کی مذموم کوشش کی جاتی رہی ہے۔ حال ہی میں عرب اتحادی فوج نے مآرب شہر سے داغے گئے دو بیلسٹک میزائل فضاء میں تباہ کردیے تھے۔ایران کی طرف سے حوثی ملیشیا کو نہ صرف میزائل اور بھاری ہتھیار فراہم کیے جا رہے ہیں بلکہ تہران یمنی باغیوں کو ہرطرح کے ہلکتے ہتھیار بھی بڑی مقدار میں فراہم کرنے میں ملوث پایا گیا ہے۔
ایران نے خلیجی ممالک کی آبی ٹریفک اور بحری جہازوں پر نظر رکھنے کے لیے ایک نئے بحری فوجی اڈے کے قیام کا اعلان کیا ہے۔ایرانی نیول چیف ایڈمرل حبیب اللہ سیاری نے ایک تقریب سے خطاب کرتے ہوئے کہا ہے کہ نیا فوجی اڈہ پاکستان کی سرحد سے متصل جنوبی مشرقی صوبہ بلوچستان کی بسابندر بندرگاہ پر بنایا جا رہا ہے جس کا مقصد خلیجی ممالک کے بحری جہازوں کو وہاں کی سمندری حدود میں گذرنے پر نظر رکھنا ہے۔خبر رساں ایجنسی’تسنیم‘ کے مطابق ایرانی بحریہ کے جوانوں اور افسران کی ایک تقریب سے خطاب کرتے ہوئے ایڈمرل حبیب اللہ سیاری نے کہا کہ بسا بندر کے مقام پرنیا فوجی اڈہ بنانے سے ہم خلیجی پانیوں سے گذرنے والے جہازوں پر نظر رکھنے میں کامیاب ہوسکیں گے۔انہوں نے کہا کہ ماضی میں بحریہ کی انٹیلی جنس نگرانی بہت کمزور تھی، خاص طور پر خلیجی پانیوں سے گذرنے والے جہازوں کی مانیٹرنگ کے معاملے میں ہمارے پاس کوئی موثر انتظام نہیں تھا مگر اب ایرانی بحریہ آبی ٹریفک کی نگرانی کے لیے جدید ترین مواصلاتی آلات کا استعمال کررہی ہے۔ اب ہم اس قابل ہوچکے ہیں کہ علاقائی اور عالمی سمندری حدود میں بحری جہازوں کی نقل وحرکت پر نظر رکھ سکتے ہیں۔
 

ایک نظر اس پر بھی

انجلینا جولی کی عید پرعراق کے شہر موصل کے پناہ گزینوں سے ملاقات

اقوام متحدہ کی پناہ گزین کی خصوصی ایلچی انجلینا جولی نے عراق میں دہشت گردی سے سب سے متاثرہ علاقے موصل کا دورہ کیا اور عالمی برادری سے تباہ حال شہر کے بے گھر رہائشیوں کی دوبارہ اپنے گھروں میں آبادکاری کے لیے مدد کی اپیل کی ہے۔

ننگر ہار: طالبان پر خودکش حملے میں ہلاکتوں کی تعداد 36 ہو گئی

صوبہ ننگرہار میں کے محکمہ صحت کے ڈائریکٹر نجیب اللہ کماوال کے حوالے سے کہا ہے کہ ہفتہ کو ہونے والے اس حملے میں 65 افراد زخمی بھی ہوئے۔افغان حکام نے کہا ہے کہ جنگ بندی کے دوران مشرقی صوبہ ننگرہار میں افغان جنگجوؤں کے ایک اجتماع پر خودکش حملے میں ہلاکتوں کی تعداد 36 ہو گئی ہے۔

جاپان میں.1 6 شدت کا زلزلہ، تین افراد ہلاک

اوساکا اور اس کے گرد و نواح کا شمار جاپان کے اہم ترین صنعتی مراکز میں ہوتا ہے اور زلزلے کے بعد علاقے میں واقع بیشتر کارخانوں میں کام بند کردیا گیا ہے۔جاپان کے دوسرے بڑے شہر اوساکا میں آنے والے 6.1شدت کے زلزلے سے اب تک تین افراد کے ہلاک ہونے کی تصدیق ہوگئی ہے۔

نیو جرسی: آرٹ فیسٹول میں فائرنگ، حملہ آور ہلاک

امریکہ کی ریاست نیو جرسی میں ایک آرٹ فیسٹول کے دوران فائرنگ سے 22 افراد زخمی ہوگئے ہیں جب کہ ایک مبینہ حملہ آور مارا گیا ہے۔حکام کے مطابق واقعہ اتوار کو نیوجرسی کے شہر ٹرینٹن میں پیش آیا جہاں رات بھر جاری رہنے والے آرٹ فیسٹول کے دوران دو متحارب گروہ آپس میں لڑ پڑے۔

افغان طالبان کا جنگ بندی میں توسیع سے انکار

افغان طالبان نے کہا ہے کہ افغان سکیورٹی فورسز سے تین روزہ جنگ بندی کے خاتمے کے بعد اس میں مزید توسیع نہیں کی جائے گی۔فرانسیسی خبر رساں ادارے ’اے ایف پی‘ نے طالبان کے ترجمان ذبیع اللہ مجاہد کے حوالے سے کہا ہے کہ جنگ بندی 17 جون کی رات ختم ہو رہی ہے جس کے بعد طالبان کی کارروائیاں ...

ترک فوج کی عراق میں بمباری، 35 کرد جنگجو ہلاک

ترکی کی مسلح فوج نے ایک بیان میں دعویٰ کیا ہے کہ عراق کے شمالی علاقے جبل قندیل میں کرد علاحدگی پسند گروپ کردستان ورکرز پارٹی "PKK" کے ٹھکانوں پر بمباری کے نتیجے میں کم سے کم 35 کرد باغی ہلاک ہو گئے ہیں۔