پاسداران انقلاب کو دہشت گرد قرار دے کر امریکا دہشت گردی کو ہوا دے گا: ایران
برلن،10؍اکتوبر(ایس او نیوز؍آئی این ایس انڈیا)ایرانی حکومت کے مطابق پاسداران انقلاب کو دہشت گرد قرار دے کر امریکا خود دہشت گردی ہی کو ہوا دے گا۔ ایرانی حکومت کے ترجمان محمد باقر نوبخت نے کہا کہ دنیا کو داعش اور دہشت گردی کے خلاف جنگ کرنے پر پاسداران انقلاب کا شکریہ ادا کرنا چاہیے۔ امریکی صدر رواں ہفتے ایران سے متعلق اپنی نئی پالیسی کا اعلان کرنے والے ہیں۔ توقع کی جا رہی ہے کہ صدر ٹرمپ ایران کی سب سے طاقتور سکیورٹی فورس پاسداران انقلاب کو ایک دہشت گرد گروپ قرار دے سکتے ہیں۔