پاکستان :عمران خان کا قوم کے نام پہلا خطاب 

Source: S.O. News Service | By Shahid Mukhtesar | Published on 27th July 2018, 12:20 PM | عالمی خبریں |

لاہور ،27جولائی(ایس او نیوز؍آئی این ایس انڈیا)پاکستان میں پی ٹی آئی کی حکومت بننی اب تقریبا طے ہوگئی ہے ۔ عمران خان نے پارٹی کو غیر متوقع سبقت ملنے کے بعد قوم کے نام خطا کیا ۔ اس دوران انہوں نے پاکستانی عوام سے کئی عہد و پیمان بھی کئے ۔ انہوں نے کہا کہ جب تک اس ملک میں حکمرانی کا نظام ٹھیک نہیں ہوگا اس وقت تک سرمایہ کاری آنی مشکل ہے ۔انہوں نے پچھلی حکومتوں پر الزام عائد کرتے ہوئے کہا کہ پاکستان نے اس سے پہلے کبھی اتنا قرض نہیں لیا ، اس سے پہلے روپے کی قدر میں کبھی اتنی گراوٹ نہیں آئی ۔ انہوں نے کہا کہ پاکستان ہندوستان کے ساتھ اچھے تعلقات کا خواہاں ہے ۔ان کا کہنا تھا کہ ہمیں ایک دوسرے پر الزام تراشی کی بجائے اپنے تعلقات بہتر کرنے چاہئیں، پاکستان اور ہندوستان کو آپس میں تجارت بڑھانی چاہیے۔ انہوں نے ہندوستان کو مذاکرات کی پیش کش کرتے ہوئے کہا کہ آپ ایک قدم ہماری طرف آئیں گے تو ہم دو قدم آپ کی طرف بڑھیں گے۔ عمران خان کا کہنا تھا کہ افغانستان سے یورپ کی طرح کے تعلقات چاہتا ہوں جہاں دونوں ممالک کی سرحدیں کھلی ہوئی ہوں اور ہم افغانستان میں امن قائم کرنے کے لیے بھی ہر ممکن تعاون کریں گے۔عمران خان کا کہنا تھا کہ ہماری آدھی سے زیادہ آبادی سطح غربت سے نیچے زندگی گزار رہی ہے تو ایسے ماحول میں وزیراعظم ہاؤس جیسے محل میں رہنے میں شرم محسوس کروں گا۔عمران خان نے کہا کہ ہم ایسے ادارے قائم کریں گے جو اس ملک کے گورننس سسٹم کو ٹھیک کریں گے، پاکستان کو ایسی گورننس دیں گے جو آج سے پہلے کسی حکومت نے نہیں دی۔عمران خان کا کہنا تھا کہ ہماری حکومت میں احتساب وزیروں سے شروع ہو گا اور قانون سب کے لیے برابر ہو گا، آج مغرب ہم سے آگے ہے تو اس کی وجہ یہی ہے کہ وہاں قانون کسی کے ساتھ امتیاز نہیں کرتا۔عمران خان کا کہنا تھا کہ ہمارے ملک میں ڈھائی کروڑ پاکستانی بچہ اسکولوں سے باہر ہے، دنیا میں سب سے زیادہ ہماری خواتین زچہ و بچہ کے مرحلے میں مر جاتی ہیں اور پینے کا صاف پانی نہ ملنے کے باعث دنیا میں سب سے زیادہ پاکستانی بچے مر جاتے ہیں۔عمران خان نے کہا کہ ہماری حکومت سادگی سے رہے گی اور حکومت فیصلہ کرے گی کہ وزیراعظم ہاؤس کی جگہ کون سا ادارہ بنے گا اور تمام گورنر ہاؤسز کو بھی عوام کے استعمال میں لایا جائے گا۔عمران خان کے مطابق وہ پاکستان کو ایسی فلاحی ریاست بنانا چاہتے ہیں ، جس طرح پیغمبر اسلام نے بنائی تھی ۔عمران خان کا کہنا تھا کہ ملک میں ساری پالیسیاں کمزور طبقے اور غریب کسانوں کے لیے بنیں گی۔عمران خان نے سیاسی جماعتوں کی جانب سے الیکشن میں دھاندلی کے الزامات کو مسترد کرتے ہوئے کہا ہے کہ اگر کسی کو شکایت ہے تو ہم تعاون کریں گے اور وہ حلقے کھلوائیں گے۔

ایک نظر اس پر بھی

امریکا کا پاک بھارت وزرائے خارجہ کی مجوزہ ملاقات کا خیرمقدم

امریکا نے پاک بھارت وزرائے خارجہ کی مجوزہ ملاقات کو خوش آئند قرار دیا ہے۔ امریکی محکمہ خارجہ کی ترجمان ہیدر نوریٹ نے پریس بریفنگ کے دوران پاک بھارت وزرائے خارجہ کی ملاقات کو دونوں ممالک کے لیے خوش آئند قرار دیتے ہوئے کہا کہ ملاقات سے دونوں ملکوں کو مل کر بیٹھنے اور بات کرنے کا ...

اعتراف شکست یا پھر کچھ اور؟ داعش اور القاعدہ اپنے عزائم میں اب بھی پختہ: امریکی اہلکار

 انسداد دہشت گردی سے وابستہ امریکی اہلکاروں نے کہا ہے کہ داعش اور القاعدہ جیسے دہشت گرد گروہوں سے لڑائی اور اْن کے زیر قبضہ علاقے وارگزار کرانے کے سلسلے میں اہم پیش رفت حاصل ہونے کے باوجود، دہشت گردی کی صورت حال پیچیدہ تر ہو گئی ہے۔

چین: عیسائی گرجا گھر کے خلاف سخت کارروائی

حالیہ دِنوں کے دوران بیجنگ کا سب سے بڑا چرچ بند کر دیا گیا ہے، جب کہ چین کے دوسرے شہروں میں مذہبی اجتماعات کے خلاف سخت کارروائی کی گئی ہے۔ مسیحی قائدین، دانشور اور شہری حقوق کیوکلا کا کہنا ہے کہ یہ کارروائیاں مذہب کو حکمراں کمیونسٹ پارٹی کے مکمل ضابطے میں لانے کی وسیع تر کوشش کا ...

امریکی ریاست میری لینڈ میں فائرنگ، چار افراد ہلاک

امریکہ کی شمال مشرقی ریاست میری لینڈ میں ادویات کی ایک کمپنی رائٹ ایڈ کے ڈسٹری بیوشن مرکز میں جمعرات کی صبح فائرنگ کے ایک واقعہ میں تین افراد ہلاک ہو گئے۔ رائٹ ایڈ کی ایک ترجمان پیٹ سیٹریلا نے بتایا کہ ویئر ہاؤس میں تقریباً 1000 افراد کام کرتے ہیں اور یہاں سے 2500 سے زیادہ اسٹوروں ...

عمران خان کے خط کے بعد اب ہند۔ پاک کے وزراء خارجہ کی نیویارک میں ہوگی میٹنگ

 ہندوستان اور پاکستان کے وزراء خارجہ کے درمیان نیویارک میں اقوام متحدہ کی جنرل اسمبلی کے دوران الگ سے ملاقات ہوگی۔ وزارت خارجہ کے ترجمان رویش کمار نے آج یہاں پریس کانفرنس میں یہ اطلاع دیتے ہوئے بتایا کہ میٹنگ کی تاریخ اور وقت دونوں فریقوں کے درمیان باہمی رضامندي سے بعد میں طے ...