حزب اللہ کا ماہر ہمیں تربیت دینے کے لیے آیا : حوثی قیدی کا اعتراف

Source: S.O. News Service | By Shahid Mukhtesar | Published on 12th January 2018, 9:57 PM | عالمی خبریں |

صنعاء، 12؍جنوری(ایس او نیوز؍آئی این ایس انڈیا)یمن میں سرکاری فوج نے جمعرات کے روز الجوف صوبے میں حوثی ملیشیا کے قیدی بنائے گئے ایک رکن کی وڈیو جاری کی ہے جس میں اْس نے ساجد نامی ایک ماہر کے زیرِ نگرانی لبنانی ملیشیا حزب اللہ کے ارکان سے تربیت حاصل کرنے کا اعتراف کیا ہے۔اسیر حوثی باغی نے بتایا کہ اْس نے اپنے دیگر 39 ساتھیوں سمیت تربیت حاصل کی۔ اس کے بعد ان تمام افراد کو سعودی عرب کے ساتھ سرحد کے نزدیک الجوف ، صعدہ اور حجہ صوبے کے محاذوں پر تقسیم کر دیا گیا۔

حوثی باغی نے انکشاف کیا کہ نظریاتی تربیت یمنی دارالحکومت صنعاء میں دی جاتی تھی جب کہ عملی تربیت کا انتظام دیگر علاقوں میں کیا گیا۔ ساجد نامی عسکری امور کا ماہر ہر ہفتے تربیت دینے کے لیے آیا کرتا تھا۔ وہ لبنانی باشندہ ہے جو عراق میں بھی لڑائی میں حصّہ لے چکا ہے۔

یاد رہے کہ گزشتہ برس بھی کئی وڈیوز میں لبنانی حزب اللہ کے تربیت کاروں کی حوثی ملیشیا کے ارکان کے ساتھ اْنہیں تربیت دینے کے لیے موجودگی کا انکشاف ہوا تھا۔رواں ماہ 8 جنوری کو یمن میں حیس اور خوخہ کے محاذ پر حوثی ملشیا کے ایک ذمّے دار کمانڈر نے خود کو اماراتی فورسز کے حوالے کر دیا تھا۔ اْس نے سعودی عرب کے زیر قیادت عرب اتحاد کی فورسز کے لیے کام کرنے پر آمادگی کا بھی اظہار کیا تھا۔

مذکورہ کمانڈر نے انکشاف کیا تھا کہ ایران نواز حوثی ملیشیا لوگوں کو اپنی صفوں میں شامل ہونے پر مجبور کرتی ہے اور بچوں کو بھی لڑائی کے میدانوں میں اگلی صفوں میں رکھتی ہے۔اْس کا مزید کہنا تھا کہ جو کوئی ایران نواز حوثی ملیشیا میں شمولیت سے انکار کرتا ہے اْسے گھر والوں سمیت علاقے سے نکال دیا جاتا ہے۔
 

ایک نظر اس پر بھی

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...