یمن : الحدیدہ میں اتحادی بم باری، حوثیوں کا ایک سینئر کمانڈر اور 16 دیگر ارکان ہلاک
ریاض8ستمبر ( ایس او نیوز؍آئی این ایس انڈیا )یمن کے شہر الحدیدہ میں عرب اتحاد کے اپاچی ہیلی کاپٹروں کی کارروائی میں حوثیوں کا ایک اہم کمانڈر اور بریگیڈ 190 کا سربراہ میجر جنرل محمد عبدالملک عاطف مارا گیا۔
ذرائع کے مطابق اپاچی ہیلی کاپٹروں کی کارروائیوں میں حوثیوں کے ایک اور کمانڈر علی صلاح القیری سمیت 16 دیگر ارکان بھی مارے گئے۔
ذرائع کا کہنا ہے کہ یمن میں قانونی حکومت کی سپورٹ کرنے والے عرب اتحاد کے اپاچی ہیلی کاپٹروں نے الحدیدہ شہر اور اس کے جنوب میں مغربی ساحل کے محاذ پر واقع ضلعوں میں حوثی ملیشیا کے ٹھکانوں پر بم باری کا سلسلہ جاری رکھا ہوا ہے۔ اس دوران حوثی باغیوں کو بھاری جانی اور مادی نقصان اٹھانا پڑا ۔
برطانوی خبر رساں ایجنسی نے گزشتہ ہفتے بتایا تھا کہ بھارت نے سرکاری آئل ریفائننگ کمپنیوں کو ایرانی آئل ٹینکروں کے استعمال اور انشورنش خدمات کے حصول کی اجازت دے دی ہے۔ یہ پیش رفت بھارتی اور مغربی کارگو کمپنیوں کی جانب سے ایران میں اپنا آپریشن کم کرنے کے بعد سامنے آئی۔