عراقی کردستان میں متنازعہ ریفرنڈم کے محرک امریکا اور اسرائیل، خامنہ ای
بغداد5اکتوبر(ایس او نیوز؍آئی این ایس انڈیا)ایران کے سپریم لیڈر آیت اللہ علی خامنہ ای نے کہا ہے کہ شمالی عراق میں نیم خود مختار کرد علاقے میں متنازعہ ریفرنڈم کے پیچھے امریکا اور اسرائیل کا ہاتھ ہے۔ خامنہ ای نے ایران کے دورے پر گئے ہوئے ترک صدر رجب طیب ایردوآن کے ساتھ ملاقات کے بعد سرکاری ٹیلی وڑن پر کہا کہ عراقی کردستان میں اس رائے دہی سے امریکا اور اسرائیل کو فائدہ ہوا۔ اس سے قبل اپنے ایرانی ہم منصب حسن روحانی کے ساتھ ملاقات میں ترک صدر ایردوآن نے زور دے کر کہا تھا کہ ترکی شمالی عراق میں کردوں کی آزادی کے اس ریفرنڈم کو مسترد کرتا ہے اور اس عمل کے خلاف مزید اقدامات بھی کرے گا۔