مصر میں مسافر ٹرینوں کے ٹکرانے سے درجنوں افراد ہلاک

Source: S.O. News Service | Published on 12th August 2017, 6:24 PM | عالمی خبریں |

قاہرہ 12اگست(ایس او نیوز/آئی این ایس انڈیا)مصر میں طبی حکام کے حکام ملک کے شمالی حصے میں دو مسافر ٹرینوں کے تصادم میں کم سے کم 41 افراد ہلاک اور متعدد زخمی ہو گئے۔یہ حادثہ مصر کے ساحلی شہر اسکندریہ میں پیش آیا۔حکام کے مطابق یہ حادثہ اس وقت پیش آیا جب ایک ٹرین قاہرہ جبکہ دوسری پورٹ سعید کی جانب سے آ رہی تھی۔مصر کے سرکاری ٹیلی ویڑن پر دکھانے والے مناظر میں ہنگامی سروس کی ٹیمیں حادثے میں پھنسے ہوئے افراد کو ایمبولینسز میں منقتل کر رہی ہیں۔
مصر کی وزارت صحت کا کہنا ہے کہ حادثے میں 120 سے زیادہ افراد زخمی ہوئے ہیں۔مصر کی وزارت صحت کے مطابق علاقے کے تمام ہسپتالوں میں ہنگامی صورتِ حال نافذ کر دی گئی ہے۔مصر کی ٹریفک وزیر نے حادثے کی تحقیقات کا حکم دے دیا ہے۔حکام کا کہنا ہے کہ ابتدائی اطلاعات کے مطابق ایک ٹرین خراب ہو کر ٹریک پر کھڑی تھی جب دوسری ٹرین اس سے ٹکرا گئی۔قاہرہ میں سنہ 2013 میں ایک ٹرین کے ایک منی بس اور دیگر گاڑیوں سے ٹکرانے کے نتیجے میں درجنوں افراد ہلاک ہو گئے تھے۔مصر میں ریل کا سب سے جان لیوا حادثہ سنہ 2002 میں ہوا تھا جب دارالحکومت قاہرہ کے قریب ایک ٹرین میں آگ لگنے سے 370 سے زیادہ افراد ہلاک ہو گئے تھے۔


 

ایک نظر اس پر بھی

گولان پہاڑیوں کے قریب باغیوں کے ٹھکانوں پر شام کا قبضہ

شام کے سرکاری میڈیا نے کہا ہے صدر بشار الاسد کی وفادار فورسز نے ملک کے جنوب مغرب میں باغیوں کے ٹھکانوں کے خلاف اپنی پیش قدمی جاری رکھتے ہوئے فوجی اہمیت کی ایک چوٹی تل الحارہ کا کنٹرول سنبھال لیا ہے جہاں سے اسرائیل کے زیر قبضہ گولان کی چوٹیوں پر نظر رکھی جا سکتی ہے۔

افغانستان میں داعش نے 20 افراد اور طالبان نے 9 پولیس اہل کار ہلاک کر دیے

داعش کے ایک خودکش بمبار نے منگل کے روز شمالی افغانستان میں دھماکہ کر کے 20 افراد کو ہلاک کر دیا جن میں ایک طالبان کمانڈر بھی شامل ہے۔ جب کہ جنوبی صوبے ہلمند میں ایک سرکاری کمانڈو یونٹ نے طالبان کی جیل سے 54 لوگوں کو آزاد کر ا دیا۔