لوک سبھا الیکشن سے پہلے اپوزیشن کو متحد کرنے میں لگ گئے چندرا بابو نائیڈو؛ بنگلور میں ایچ ڈی دیوےگوڑا سے بھی کی ملاقات

Source: S.O. News Service | By Jafar Sadique Nooruddin | Published on 9th November 2018, 1:37 AM | ریاستی خبریں | ملکی خبریں |

بنگلور:8/نومبر(ایس او نیوز/آئی این ایس انڈیا)آندھرا پردیش کے وزیراعلیٰ چندرابابو نائیڈونے سابق وزیر اعظم ایچ ڈی دیوگوڑا سے بنگلور میں ملاقات کرتے ہوئے  بھاجپا اور اُس کی حلیف جماعتوں کو  واضح اشارہ دیا کہ  2019 کے انتخابات سے پہلے اپوزیشن متحد ہورہی ہے۔ دیوے گوڈا کے ساتھ ہوئی ملاقات میں اُن کے فرزند اور ریاست کرناٹک کے وزیراعلیٰ ایچ ڈی کمارا سوامی بھی موجود تھے۔

گزشتہ ہفتے چندرا بابو نائیڈو نے دہلی میں راہل گاندھی، شرد پوار، اکھلیش یادو اور فاروق عبد اللہ سے بھی ملاقات کی تھی۔ بنگلور میں دیوے گوڈا سے ملاقات کے بعد آندھرا پردیش کے وزیر اعلی چندرا بابو نائیڈو نے کہا کہ ایچ ڈی دیوےگوڑا کے ساتھ میرے اچھے تعلقات ہیں، ہمیں اس ملک کو اور ملک کی  جمہوریت کو بچانے کے لئے ساتھ آنا ہوگا۔ انہوں نے سوال کیا کہ آج  اگر  سی بی آئی بحران میں پھنسی ہوئی  ہے  تو اس کے لیے کون جوابدہ ہے  ؟  انہوں نے کہا کہ آر بی آئی پر بھی حملہ ہو رہا ہے۔ ریگولیٹری باڈی پر بھی خطرہ ہے۔ ای ڈی، انکم ٹیکس کا استعمال مخالفین کو خاموش کرنے کے لیے کیا جارہا ہے ۔

اس موقع پر  سابق وزیر اعظم ایچ ڈی دیوےگوڑا نے مرکز کی این ڈی اے حکومت پر جم کر نشانہ لگایا۔ ملاقات کے بعد دیوے گوڑا نے کہا کہ این ڈی اے حکومت میں قانونی ادارے خطرات کی زد میں آگئے ہیں اور اس کے خلاف سارے سیکولر لیڈران کو متحد ہونے کی ضرورت ہے۔ سابق وزیر اعظم نے کہا کہ کانگریس اگرچہ 17 ریاستوں میں بی جے پی سے ہار چکی ہے، لیکن آنے والے اسمبلی انتخابات میں بہترمظاہرہ کرے گی۔انہوں نے کانگریس سے کہا کہ وہ نائیڈو کی اس مہم میں مدد کرے۔

خیال رہے کہ  دو دن پہلے بھی آندھرا پردیش کے وزیر اعلی چندرا بابو نائیڈو نے مرکز کی مودی حکومت پر حملہ بولا تھا۔ انہوں نے کہا تھا کہملک کے لئے حقیقی دیوالی تبھی ہوگی جب مرکز میں این ڈی اے حکومت کی بدانتظامی ختم ہو گی۔ وزیراعلی  نے مرکز پر برستے ہوئے کہا تھا کہ گزشتہ ماہ طوفان ’’تتلی ‘‘ کی زد میں آنے سے تباہ ہوئے شمالی ساحلی آندھرا پردیش کے متاثرین کے لیے ایک روپیہ بھی نہ دے کر مرکزی حکومت نے  غیر حساس ہونے کا ثبوت دیا ہے ۔

ایک نظر اس پر بھی

آئی ایم اے معاملہ:منصورخان نے کی خودسپردگی کی پیشکش،ویڈیو پیغام میں جان کے خطرے کے خدشے کا اظہار-پولیس کمشنر کے سامنے تمام تفصیلات رکھنے کی یقین دہانی

ای ڈی کے ذریعہ سمن جاری ہونے کے تین دن کے بعد گذشتہ 8 جون سے مفرور آئی ایم اے کے منیجنگ ڈائرکٹر محمدمنصورخان نے اپنی زندگی کا ثبوت دیتے ہوئے ایک ریکارڈ ویڈیو پیغام پولیس کمشنر الوک کمار اوردیگر سرمایہ کاروں کے لئے ریلیز کیا -

لوگوں کا دکھ درد جاننے دیہات کے دورے پر نکلے وزیراعلی کمارسوامی، اسکول کی فرش پر گزاری رات

کرناٹک کے وزیر اعلی ایچ ڈی کمارسوامی گرام قیام پروگرام کے تحت دیہاتوں  کا دورہ کر رہے ہیں،وہ جمعہ کو جنوبی کرناٹک میں یادگیر ضلع میں گرمیتکل تعلقہ میں آنے والے چندرکی گاؤں پہنچے جہاں گاؤں والوں نے جم کر ان کا استقبال کیا۔ ...

الیکشن کمیشن کا حلف نامہ - گجرات میں راجیہ سبھا انتخابات قانون کے مطابق، کمزور پڑ رہی کانگریس 

گجرات میں راجیہ سبھا انتخابات کو لے کر کانگریس کی درخواست پر الیکشن کمیشن نے حلف نامہ داخل کیا ہے الیکشن کمیشن نے دو سیٹوں پر الگ الگ انتخابات کرانے کے اپنے فیصلے کو برقرار رکھا۔

بی ایس این ایل کی حالت خراب؛ ملازمین کو جون کی تنخواہ دینے کے لیے نہیں ہیں رقم

رکاری ٹیلی کام کمپنی بی ایس این ایل نے حکومت کو ایک خط  بھیجا ہے، جس میں کمپنی نے آپریشنز جاری رکھنے میں تقریبا نااہلی ظاہر کی ہے۔کمپنی نے کہا ہے کہ رقم میں  کمی کے سبب کمپنی کے ملازمین کو  جون ماہ کی تنخواہ  تقریبا 850 کروڑ روپے  دے پانا مشکل ہے۔کمپنی پر ابھی قریب 13 ہزار کروڑ ...