بلغاریہ میں ٹرین حادثہ، کم از کم 4 افراد ہلاک
صوفیہ،10/دسمبر(ایس او نیوز /آئی این ایس انڈیا)بلغاریہ میں آج ہفتے کے روز رونما ہونے مال بردار ریل گاڑی کے ایک حادثے میں کم ازکم چار افراد ہلاک جبکہ بیس زخمی ہو گئے ہیں۔ پولیس نے بتایا ہے کہ شمال مشرقی علاقے میں یہ ٹرین پٹری سے اتر گئی اور قریبی مکانات اس کی زد میں آ گئے۔ بتایا گیا ہے کہ ریل گاڑی کے کریش کی وجہ سے کم ازکم بیس مکانات منہدم ہو گئے۔ امدادی کارکن موقع پر پہنچ گئے ہیں جبکہ ملبے تلے دبے افراد کی تلاش جاری ہے۔ حادثے کی وجوہات فوری طور پر معلوم نہیں ہو سکی ہیں۔