بھٹکل: مرڈیشور کے قریب بائک سڑک پر پھسل گئی؛ ایک ہلاک دوسرا شدید زخمی

Source: S.O. News Service | By I.G. Bhatkali | Published on 14th January 2018, 10:42 AM | ساحلی خبریں | ان خبروں کو پڑھنا مت بھولئے |

بھٹکل 14/جنوری (ایس او نیوز)   یہاں مرڈیشور کے قریب بنگارمکی کراس نیشنل ہائی وے پر ہوئے ایک سڑک حادثہ میں ایک نوجوان کی موقع پر ہی موت واقع ہوگئی، جبکہ بائک کی پچھلی سیٹ پر سوار دوسرا نوجوان شدید زخمی ہوگیا۔

مرنے والے نوجوان کی شناخت منوج مادیو نائک (21) اور زخمی کی شناخت مہیش پانڈو نائک (22) کی حیثیت سے کی گئی ہے۔

منوج نائک ترن مکی چرچ کراس  کے قریب کا رہائشی تھا، جبکہ مہیش  نائک مرڈیشور جنتا کالونی کا رہائشی تھا۔ یہ دونوں  بائک پر سوار شموگہ کے آرسیکیرے میں  مندر کی مورتی بنانے کے بعد کوگار کے راستے سے   بھٹکل ہوتے ہوئے واپس اپنے گائوں لوٹ رہے تھے  کہ اپنی رہائش گاہ کے کچھ ہی فاصلے پر، یعنی اپنی منزل کے صرف ڈیڑھ کلومیٹر دوری پر   بنگارمکی کراس پر حادثے کا شکار ہوگئے۔ ان کی بائک تیز رفتاری کی بناء پر سڑک پر پھسل گئی۔ 

حادثے کی اطلاع ملتے ہی مرڈیشور پولس سب انسپکٹر محترمہ ناگوّا اپنے عملہ کے ساتھ موقع پر پہنچی اور ضروری کاروائیوں کے بعد لاش کو پوسٹ مارٹم کے لئے سرکاری اسپتال بھیج دیا۔

زخمی مہیش کو فوری طور پر بھٹکل سرکاری اسپتال منتقل کرنے کے بعد سر کو گہری چوٹ لگنے کی وجہ سے کنداپور شفٹ کیا گیا ہے۔

مرڈیشور پولس تھانہ میں معاملہ درج کیا گیا ہے۔

ایک نظر اس پر بھی

ایران میں گرفتار اُترکنڑا کے ماہی گیروں کی فوری رہائی کا مطالبہ کرتے ہوئے کرناٹکا این آر آئی فورم کا دبئی میں ہندوستانی سفارت کار سے ملاقات

  ریاست کرناٹک کے ضلع اُترکنڑا کے 18 ماہی گیروں کی ایران میں گرفتاری کے بعد اُن کی رہائی کی کوششیں تیز ہوگئی ہیں۔ اس تعلق سے تازہ اطلاع یہ ہے کہ  دبئی میں موجود ماہی گیروں کے رشتہ داروں نے  کرناٹکا این آر فورم کے  اہم ذمہ دار اور قائد قوم جناب ایس ایم سید خلیل الرحمن صاحب سے ...

گیرسوپا کے پی سی ڈیم میں گرنے والے شخص کی نعش کا پتہ چلا

اترکنڑا ضلع، ہوناور تعلقہ کے گیرسوپا کے پی سی ڈیم میں پیر پھسل کر  گرنے والے شخص کی نعش کا پتہ چلا ہے۔ نعش کی شناخت ہوناور تعلقہ، اوپونے کے مکین روی تمپا نائک (30)بتائی جارہی ہے۔ موصولہ اطلاعات کے مطابق مہلوک روی نائک کے پی سی نگم میں عارضی طورپر جیپ ڈرائیور کی حیثیت سے ...

ریاستی وزارت سے مہیش کا استعفیٰ منظور

پانچ ریاستوں کے اسمبلی انتخابات میں کانگریس اور بی ایس پی کے درمیان مفاہمت کی کوشش ناکام ہوجانے کے نتیجے میں ریاستی کابینہ سے استعفیٰ دینے والے بی ایس پی کے وزیر این مہیش کو استعفیٰ واپس لینے کے لئے منانے میں جے ڈی ایس قیادت کی کوشش ناکام ہوجانے کے بعد آج وزیراعلیٰ نے مہیش کا ...

ای اسٹامپ پیپر اب آن لائن دستیاب ہوگا

کسی طرح کے دستاویزات تیار کرنے کے لئے درکار ای اسٹامپ کاغذ کی دستیابی اب تک ایک بہت بڑا مسئلہ ہوا کرتی تھی، 100 روپے کے اسٹامپ پیپر کے لئے بھی بھاری رقم ادا کرکے اسے حاصل کرنا پڑتا تھا،

ساحلی علاقے میں موسلادھار بارش۔ آسمانی بجلیوں سے نقصانات

ساحلی علاقے میں اور خاص کر جنوبی کینرا ضلع میں اتوار کی شام سے رات دیر گئے تک زبردست بارش ہوئی ہے۔ بادلوں کی گھن گرج کے ساتھ بجلیوں کے کڑکنے کا سلسلہ بھی جاری رہا اور بعض مقامات پر بجلی گرنے سے گھروں کونقصان پہنچنے کی اطلاعات بھی ملی ہیں۔

بھٹکل میں زائد منافع کالالچ دے کر 100کروڑ سے زائد رقم کی دھوکہ دہی کا الزام : کمپنی مالکان کے گھروں کا گھیراؤ اور احتجاج

شہر کے آزاد نگر میں واقع فلالیس نامی کمپنی کے مالکان  پر سو کروڑ سے زائد رقم لے کر فرار ہونے کا الزام عائد کرتے ہوئے  سینکڑوں لوگوں نے آج اُن  کے مکانوں  کا گھیراو کیا اور اپنی رقم واپس دینے کا مطالبہ کرتے ہوئے احتجاج کیا۔  احتجاجیوں کا کہنا تھا کہ   فلالیس نامی جعلی کمپنی ...

منگلورو: نوجوان خاتون وکیل نے کی خودکشی

بیلتھنگڈی میں وکالت کے پیشے سے وابستہ ایک خاتون وکیل نے منگلورو کدری کے فلیٹ میں پھانسی لگاکر خودکشی کرلی ہے۔ ہلاک ہونے والی نوجوان وکیل کا نام اشوینی بتایا گیا ہے۔