پٹنہ13جون (ایس او نیوز؍ آئی این ایس انڈیا ) بہار کے بدنام زمانہ سرجن گھوٹالہ معاملے میں سی بی آئی نے شکنجہ کسا ہے۔ سرجن گھوٹالہ معاملے میں سی بی آئی نے 8 افراد کے خلاف مقدمہ درج کیا ہے، جن میں سابق بینک آفیسرکے علاوہ کئی خصوصی افراد شامل ہیں۔ ان سب کے خلاف مجرمانہ سازش،اعتماد کی خلاف ورزی، دھوکہ دہی اور جعل سازی کے تحت مقدمہ درج کیا گیا ہے ۔دیگر چارج شیٹ وزیر اعلی شہر ترقی کی منصوبہ بندی سے متعلق ہے۔ جو قریب ساڑھے پانچ کروڑ کا معاملہ ہے۔ اس معاملے کی تحقیق میں سی بی آئی نے پایا کہ یہ رقم والی بینک میں تھی، جسے سرجن کے اکاؤنٹ میں ڈال کر فرضی طریقے سے ملزمان نے آپس میں بانٹ لیا۔ اس کیس میں بھاگلپور انڈین بینک کے مینیجر توقیر قاسم اور ونود کمار کے خلاف چارج شیٹ دائر ہوا ہے ۔