بھٹکل 18؍فروری (ایس او نیوز) بھٹکل تعلقہ کے تنگن گنڈی سرکاری ہائیر پرائمری اسکول کے طالب مدھو منجوناتھ کو پانی پر چلنے والے سائیکل کا ماڈل تیار کرنے پر قومی سطح کے ’انسپائر‘ ایوارڈ سے نوازا گیا ۔

ایک چھوڑے سے قریہ کے رہنے والے اسکولی طالب علم نے اپنی استاد کی نگرانی میں پانی پر چلنے والے سائیکل کا جو ماڈل تیار کیا ہے، اسے قومی سطح پر مقابلے کے لئے پیش کیا گیاتھا۔مقابلے میں شامل دیگر ماڈلس کے مقابلے میں مدھومنجوناتھ کا ماڈل منتظمین کی توجہ پوری طرح اپنی طرف راغب کرنے میں کامیاب رہا اور اسے پہلا مقام حاصل ہوا۔طالب علم مدھو کی اس شاندار کامیابی سے تنگن گنڈی پرائمری اسکول کا ہی نہیں بلکہ پورے ضلع کا نام روشن ہو اہے۔

محکمہ تعلیمات عامہ کے ڈپٹی ڈائریکٹر ایم جی نائک،بھٹکل بلاک ایجوکیشن آفیسر ایم آر مونجی کے علاوہ کئی ذمہ داران نے بھٹکل کے اس طالب علم کی کامیابی پرخوشی و مسرت کا اظہار کیا ہے۔