بھٹکل کو آپریٹیو سوسائٹیوں کے انتخابات کے بعدکھل کر سامنے آیا بی جے پی کا اندرونی اختلاف

Source: S.O. News Service | By Shahid Mukhtesar | Published on 26th July 2018, 10:38 PM | ساحلی خبریں | ان خبروں کو پڑھنا مت بھولئے |

بھٹکل 26؍جولائی (ایس او نیوز) بھٹکل تعلقہ میں جنتا کو آپریٹیو سوسائٹی اور پی ایل ڈی بینک کے لئے بورڈ آف ڈائریکٹرز کے انتخابات کے تعلق سے بی جے پی کے اندرونی اختلافات کھل کر سامنے آگئے۔

ایک کنڑا اخبار کی رپورٹ کو مانیں تو  رکن اسمبلی سنیل نائک کی موجودگی میں منعقدہ بی جے پی کی نشست میں ان انتخابات کے لئے ایک متفقہ لائحۂ عمل تیار کرنے کی کوشش ناکام ہوگئی ہے۔خاص کرکے جنتا دل کوآپریٹیو سوسائٹی بورڈ آف ڈائریکٹرز کے انتخاب میں رکن اسمبلی سنیل نائک کے صلاح و مشورے کو نظر انداز کرکے بی جے پی راجیہ پریشد کے رکن پرمیشور دیواڈیگا نے سابقہ بورڈ آف ڈائریکٹرز کے اراکین سے ہاتھ ملاتے ہوئے انتخاب میں حصہ لینے کا فیصلہ کیا ہے۔

بتایا جاتا ہے کہ پرمیشور دیواڈیگا کے اس موقف سے رکن اسمبلی سنیل نائک نے یہ کہتے ہوئے اختلاف کیا کہ:’’ ان انتخابات میں پارٹی کا مفاد دیکھنا اہم ہے ۔ جنتا کو آپریٹیو سوسائٹی کے سابقہ بورڈ آف ڈائریکٹرز میں کانگریس پارٹی کا غلبہ ہے اور ان کے ساتھ ہاتھ ملانے سے بی جے پی کا مفاد متاثر ہوگا۔ اور رکن اسمبلی کی حیثیت سے اعلیٰ لیڈر شپ کے سامنے مجھے جوابدہی کرنی ہوتی ہے۔‘‘بتایا جاتا ہے کہ رکن اسمبلی نے اپنے موقف سے اختلاف رکھنے کی صورت میں پرمیشور دیواڈیگا کو میٹنگ سے باہر چلے جانے کہا۔

اس کے جواب میں پرمیشور دیواڈیگا نے کہا کہ: ’’میں انتخاب جیتنے کے بعد بھی بی جے پی کے اندر ہی رہوں گا۔ کسی دوسری پارٹی کا نام قبول نہیں کروں گا۔ گزشتہ مرتبہ جالی کو آپریٹیو سوسائٹی کے انتخاب میں پارٹی کی ہدایت کو مانتے ہوئے میں نے سرجھکا لیاتھا اورانتخاب میں اترنے سے باز آیا تھا۔ لیکن پارٹی مفاد کے نام پر مجھے پیچھے چھوڑنے اور کونے میں بٹھانے کی کوشش کی جائے گی تو میرے لئے خاموش رہنا ممکن نہیں ہوگا۔‘‘ پرمیشور دیواڈیگا نے رکن اسمبلی پر پلٹ وار کرتے ہوئے کہا کہ :’’اگر پارٹی کے صدر مجھے میٹنگ سے باہر جانے کا حکم دیتے ہیں تو ہی میں باہر جاؤں گا ، پھر کسی دوسرے کو مجھے باہر بھیجنے کا اختیا ر نہیں ہے۔‘‘

اس موقع پر پارٹی کے صدر راجیش نائک نے مداخلت کرتے ہوئے کہا کہ ’’ پرمیشوردیواڈیگا راجیہ پریشد کے رکن ہیں ، انہیں میٹنگ سے باہر بھیجنے کا اختیار مجھے بھی نہیں ہے۔ اس ضمن میں جو بھی مناسب کارروائی ہوگی وہ پارٹی کی اعلیٰ لیڈرشپ کے ذریعے ہوگی۔‘‘پتہ چلا ہے کہ اس تو تو میں میں کے بعد بھی کافی دیر تک میٹنگ چلتی رہی ، لیکن انتخابات کے سلسلے میں کسی نتیجے پر پہنچنے میں کامیابی نہیں ملی۔بعض ذرائع کا کہنا ہے کہ پارٹی کی میٹنگ ختم کرکے باہر نکلنے کے بعد بی جے پی کے دو گروہوں کے اندر دوبارہ تکرار شروع ہوئی اور نوبت ہاتھا پائی تک پہنچی۔

بی جے پی بھٹکل یونٹ کے صدر راجیش نائک نے وضاحت کی ہے کہ اتوار کے دن پارٹی کی طرف سے کوئی بھی میٹنگ منعقد نہیں ہوئی تھی۔ پارٹی کے کچھ لیڈران ایک جگہ جمع ہوگئے تھے اس وجہ سے انتخابات کے سلسلے میں بات چیت ہوئی۔ پارٹی سے وابستہ اراکین سے درخواست کی گئی کہ وہ بطور آزاد امیدوار یہ انتخاب نہ لڑیں بلکہ پارٹی امیدوار بن کر میدان میں اتریں۔ الگ الگ لیڈرو ں نے اپنا اپنا موقف سامنے رکھا۔ اس سے ہٹ کر آپس میں کوئی اختلاف نہیں ہے۔

ایک نظر اس پر بھی

21مارچ سے ایس ایس ایل سی امتحانات : اترکنڑا ضلع میں کل 9766طلبا و طالبات کی سالانہ امتحانات میں شرکت

طلبا کی تعلیمی  زندگی کا پہلا اہم مرحلہ   ایس ایس ایل سی کے سالانہ امتحانات 21مارچ 2019سے 04 اپریل 2019منعقد ہونگے ۔ جس کے لئے اترکنڑا ضلع محکمہ  تعلیمات عامہ پوری طرح تیار رہنے کی  ڈپوٹی ڈائرکٹر کے منجوناتھ نے اطلاع دیتے ہوئے جانکاری دی ہے کہ اترکنڑا تعلیمی ضلع کے 5تعلقہ جات میں ...

اُڈپی : آر ایس ایس مسلمانوں سے زیادہ دلت مخالف ہے: سابق بجرنگ دل لیڈر مہیندر کمار

 آر ایس ایس حقیقت میں  دلت، شودر، مظلوم ، پسماندہ طبقات ، ہندو  اور ملک مخالف ہےوہ  مسلم مخالف نہیں ہے ،کیونکہ  یہ سب صرف نوجوانوں کو غلط راستے پر لے جانےکے لئے انہیں استعمال کرتی ہے۔ اگر اس کو اب نہیں سمجھیں گے تو پھر ایک بار ملکی آزادی کے لئے جدوجہد کی ضرورت پڑے گی۔ سماجی مفکر ...

بھٹکل کے ایک اُردو اسکول کے کمپائونڈ میں خون کے دھبے اور کھڑکی کے ٹوٹے گلاس پائے جانے کے بعد زبردست ہاتھاپائی ہونے کا شبہ

یہاں مدینہ کالونی ، محی الدین اسٹریٹ  میں واقع  اُردو ہائیر پرائمری اسکول  کی دیوار اور صحن پرجابجا  خون کے دھبے سمیت ایک کھڑکی کا شیشہ ٹوٹا ہوا پائے جانے  کے بعد شبہ ظاہر کیا جارہا ہے کہ یہاں رات کو زبردست ہاتھاپائی یا ماردھاڑ کی واردات رونما ہوئی ہے۔ واقعے کے بعد  اسکول کے ...

ضلع شمالی کینرا کا انتخاب۔ منووادی اور غیر منووادیوں کے درمیان مقابلہ ہے؛ سیکولراُمیدوار کو جیت دلانا اہم مقصد ہونا چاہئے؛ سابق وزیر آر این نائک کا بیان

درپیش پارلیمانی انتخابات اور خاص کرکے ضلع شمالی کینرا کی سیٹ کو کانگریس کی طرف سے جنتا دل ایس کو مختص کیے جانے کے بعد سابق وزیر اور کانگریسی لیڈر ایڈوکیٹ آر این نائک نے تبصرہ کرتے ہوئے کہا کہ اس بار ہونے والا انتخاب پارٹیوں کی جیت یا پارلیمان میں امیدواروں کی تعداد بڑھانے والا ...

انڈونیشیا میں سیلاب اور تودے سے مرنے والوں کی تعداد 89 ہوئی

  انڈونیشیا کے مشرقی علاقے پاپوا میں سیلاب اور مٹی کے تودے گرنے سے مرنے والوں کی تعداد بڑھ کر 89 ہو گئی ہے اور لاپتہ 74 لوگوں کی تلاش کے لئے ریسکیو آپریشن چلایا جا رہا ہے۔ راحت رسانی مہم میں مصروف حکام نے منگل کو یہاں یہ اطلاع دی۔

کرناٹک میں نوٹیفکیشن کے پہلے دن 6؍امیداروں کی نامزدگیاں داخل 

ریاست میں لوک سبھا الیکشن کے پہلے مرحلہ میں 14؍سیٹوں پر 18؍اپریل کو ہونے والے الیکشن کے لئے پرچہ نامزدگی کرنے کا آغاز ہوگیا ۔ پہلے دن چار حلقوں میں6؍ امیدواروں کی جانب سے 11؍ مزدگیاں داخل کئیں۔ یہ اطلاع ریاستی الیکشن افسر سنجیو کمار نے دی۔

بھٹکل کے ایک اُردو اسکول کے کمپائونڈ میں خون کے دھبے اور کھڑکی کے ٹوٹے گلاس پائے جانے کے بعد زبردست ہاتھاپائی ہونے کا شبہ

یہاں مدینہ کالونی ، محی الدین اسٹریٹ  میں واقع  اُردو ہائیر پرائمری اسکول  کی دیوار اور صحن پرجابجا  خون کے دھبے سمیت ایک کھڑکی کا شیشہ ٹوٹا ہوا پائے جانے  کے بعد شبہ ظاہر کیا جارہا ہے کہ یہاں رات کو زبردست ہاتھاپائی یا ماردھاڑ کی واردات رونما ہوئی ہے۔ واقعے کے بعد  اسکول کے ...

اسد الدین اویسی نے حیدرآباد پارلیمانی سیٹ سے پرچہ نامزدگی کیا داخل

لنگانہ میں لوک سبھا انتخابات کے اعلامیہ کی اجرائی کے بعد سب سے پہلے صدر مجلس و رکن پارلیمنٹ حیدرآباد بیرسٹر اسدالدین اویسی نے آج حیدرآباد لوک سبھا  سیٹ سے مجلس کے امیدوار کی حیثیت سے اپنا پرچہ نامزدگی داخل کیا ہے۔

انڈونیشیا میں سیلاب سے 77 لوگوں کی موت، 4000 سے زیادہ لوگوں کو بچانے کی کوشش

انڈونیشیا کے مشرقی علاقہ کے پاپوا صوبے میں سیلاب اور مٹی کے تودے گرنے کے واقعات میں مرنے والوں کی تعداد بڑھ کر 77 ہو گئی ہے۔ ان حادثوں میں 116 زخمی بھی ہوئے ہیں۔  وہیں تقریبا 4000 لوگوں کو بچانے کی کوشش کی جا رہی ہے۔