بنگلورو آٹو رکشا ڈرائیورس فیڈریشن نے بھارت بند کی مخالفت کی ملک گیر ہڑتال کی تائید نہیں کی، آٹوسرویس جاری

Source: S.O. News Service | By Shahid Mukhtesar | Published on 8th January 2019, 12:12 PM | ریاستی خبریں | ان خبروں کو پڑھنا مت بھولئے |

بنگلورو،8؍جنوری(ایس او نیوز) مختلف مزدور یونین کی جانب سے دو دن بھارت بند کا اعلان کیاگیاہے۔ اس بند کے لئے آٹو رکشا ڈرائیورس یونین نے بھی تائید کا اعلان کیا ہے لیکن بنگلورو آٹو رکشا ڈرائیورس فیڈریشن نے بند کی تائید نہ کرنے کا فیصلہ کیا ہے ۔

آج صبح پترا کرترا بھون احاطے میں فیڈریشن کے صدر ایم منجوناتھ کی زیر قیادت 25سے زائد آٹورکشا ڈرائیورس نے بند کے خلاف احتجاجی دھرنا دیا۔

اس موقع پر اخباری نمائندوں سے بات کرتے ہوئے منجوناتھ نے کہاکہ آٹو رکشا ڈرائیورس سال بھر کرایہ کا آٹو رکشا چلاتے ہوئے ایک آٹو رکشا کی خریدی کاخواب دیکھتے ہیں ۔ اس خواب کو شرمندہ تعبیر ہونے کاموقع فراہم نہ ہونے والے ہڑتال کی وہ ہرگز تائید نہیں کریں گے ۔انہوں نے بتایا کہ 40سے 45 ہزار روپئے پرانے پرمٹ کے نام پر ڈرائیوروں سے وصول کررہے نجی فائنانس آر ٹی او دلال ،مافیا کی تائید کرنے والے چند آٹو رکشا یونین اپنے مفاد کے لئے بند کی تائید کررہے ہیں۔

انہوں نے کہاکہ بند آٹو رکشا رائیورس کے خلاف ہے ۔ ایک سیاسی پارٹی کی تائید کرنے والے اے آر ڈی یو کے اعلان پر آٹو رکشا ڈرائیورس بند میں ہرگز حصہ نہیں لیں گے۔منجوناتھ نے بتایا کہ وزیراعلیٰ اور وزیر برائے ٹرانسپورٹ نے آٹو رکشا ڈرائیورس کے مسائل کو حل کرنے کے مقصد سے اجلاس طلب کرنے کا یقین دلایا ہے ۔انہوں نے کہا کہ کل کے بندکی وہ مخالفت کرتے ہیں ۔

انہوں نے آٹورکشا ڈرائیوروں سے گزارش کی کہ وہ بند میں حصہ لئے بغیر حسب معمول اپنی خدمات جاری رکھیں ۔احتجاجی دھرنے میں مختلف آٹو رکشا ڈرائیورس یونین کے صدور، عبدالسبحان مشتاق، راجیو گاندھی آٹو ڈرائیورس ویدیکے کے صدر چندرشیکھر، احمد سجاد سیٹھ، ڈاکٹر سی سمپت ، جئے رام، جے ایس کمار، ٹی گوپال کرشنا، ایم وی کانت راج سمیت 25سے زائد فیڈریشن کے اراکین شریک تھے۔

ایک نظر اس پر بھی

سی ای ٹی امتحانات کے نتائج کا اعلان؛ بنگلور کو سب سے زیادہ رینکس،6جون سے دستاویزات کی جانچ

پروفیشنل کورسوں میں داخلوں کے لئے کرناٹکا ایکزامنیشن اتھارٹی کی طرف سے کروائے گئے کامن انٹرنس ٹیسٹ (سی ای ٹی) کے نتائج کا آج اعلان کردیا گیا۔ انجینئرنگ، بی ایس سی ویٹرنری سائنس، بی فارما، نیچرو پتھی، یوگا سائنس اور دیگر شعبوں میں داخلوں کے خواہشمند طلبا ء اس امتحان میں ...

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...

سدانندگوڈا، پربلاد جوشی، سریش انگڑی، شیوکمار اداسی مرکزی وزارت کی دوڑ میں ایڈی یورپا، شوبھا کے حق میں، نرملا سیتارامن کونیااہم قلمدان ملنے کی توقع

مرکزی وزیر برائے اسٹاٹسٹکس اور پروگرام اپلی منٹیشن، ڈی وی سدانندگوڈا،ہبلی- دھارواڈ لوک سبھا رکن پربلاد جوشی،بلگام سے رکن پارلیمان سریش انگڑی اور ہاویری رکن پارلیمان شیوکمار اداسی اب کرناٹک سے مرکزی وزارت کے لئے دوڑ میں سب سے آگے ہیں -

ایچ کے پاٹل نے راہل گاندھی کو بھیجا استعفیٰ

ریاست میں کانگریس کے تشہیری مہم کمیٹی کے صدر ایچ کے پاٹل نے لوک سبھا انتخابات میں ریاست میں پارٹی کی شکست کی اخلاقی ذمہ داری لیتے ہوئے اپنے عہدے سے استعفی دینے کی پیشکش کی ہے۔

کرناٹک میں جے ڈی ایس مخلوط حکومت کو مستحکم رکھنے کانگریس خواہاں؛ تمام وزراء نے کیا کمارسوامی کی قیادت پر اظہار اعتماد

لوک سبھا انتخابات میں کانگریس جے ڈی ایس اتحاد کی بدترین ناکامی کا آج وزیراعلیٰ ایچ ڈی کمار سوامی کی طرف سے طلب کی گئی غیر رسمی کابینہ میٹنگ میں جائزہ لیاگیا، اور طے کیاگیا کہ اس شکست سے مایوس ہوکر بیٹھنے کی بجائے آنے والے دنوں میں مخلوط حکومت کو اور متحرک اور مستحکم کرنے کے ...

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...

ایچ کے پاٹل نے راہل گاندھی کو بھیجا استعفیٰ

ریاست میں کانگریس کے تشہیری مہم کمیٹی کے صدر ایچ کے پاٹل نے لوک سبھا انتخابات میں ریاست میں پارٹی کی شکست کی اخلاقی ذمہ داری لیتے ہوئے اپنے عہدے سے استعفی دینے کی پیشکش کی ہے۔