چنتامنی:28 /اگست(محمد اسلم/ایس او نیوز) گذشتہ روز بیسکام کے دو ملازم راگھو اور ناگراج پر شہر کے ٹینک بانڈ روڈ کے شیخ صادق نے مبینہ طور پرجان لیوا حملہ کیا، جس کے نتیجے میں دونوں کو زخمی حالت میں کولار اسپتال میں داخل کیا گیا ہے۔

بتایا گیا ہے کہ دونوں ملازم ان  کے گھر پر بجلی کے بل کی ادائیگی نے کرنے کے تعلق سے پوچھ رہے تھے اور بتارہے تھے کہ بل کی ادائیگی نہیں کی گئی تو بجلی کا کنکشن کاٹ دیا جائے گا۔ الزام لگایا گیا ہے کہ  اسی بات پر برہم ہوکرگھر پر موجود شیخ صادق نے دونوں بیسکام ملازمین کو گالی گلوج دیتے ہوئے جان لیوا حملہ کیا ۔ ک

آج اس جان لیوا حملہ کی مخالفت کرتے ہوئے اور شیخ صادق کو گرفتارکرنے کا مطالبہ کرتے ہوئے بیسکام ملازمین نے کام کاج کا بائیکایٹ کرتے ہوئے بیسکام آفس کے روبرو احتجاج کیا اورمبینہ حملہ کرنے والے کو گرفتار کرکے سخت سزا دینے کی مانگ کی۔ احتجاج میں بیسکام کے تمام ملازمین وغیرہ موجود رہے۔